ரூ.5 லட்சம் முதலீடு செய்தால் ரூ.10 லட்சம் பெறலாம்.., Post Office -ன் இந்த திட்டம் பற்றி தெரியுமா?

Money

By Sathya Nov 14, 2024 04:56 AM GMT

Sathya

in வணிகம்

Report

அஞ்சலகத்தின் சேமிப்பு திட்டங்களில் ஒன்றான பணத்தை இரட்டிப்பாக்கும் திட்டத்தை பற்றி இந்த பதிவில் பார்க்கலாம்.

Kisan Vikas Patra 2024

கிசான் விகாஸ் பத்ரா (Kisan Vikas Patra) திட்டம் என்பது அஞ்சலகத்தின் சேமிப்பு திட்டமாகும். இந்த திட்டத்தின் நோக்கமானது கிராமம் மற்றும் சிறிய நகரங்களில் உள்ள தனிநபர்களின் சேமிப்புப் பழக்கத்தை ஊக்குவிப்பது ஆகும்.

இந்திய அரசால் தொடங்கப்பட்ட இந்த திட்டம் மூலம் 9.5 ஆண்டுகள் அல்லது 115 மாதங்களில் ஒரு முறை முதலீட்டை இரட்டிப்பாக்க உறுதியளிக்கிறது.

அதாவது, இந்த திட்டமானது 7.5 % கூட்டு வருடாந்திர வருவாயின் நிலையான விகிதத்தை வழங்குகிறது. இதனால், ஆபத்து இல்லாத முதலீட்டாளர்களுக்கு கவர்ச்சிகரமான திட்டமாக அமைகிறது.

இந்த திட்டத்தை ரூ.1000 முதலீட்டில் தொடங்கலாம். குறிப்பாக, 100 இன் மடங்குகளில் முதலீடு செய்ய வேண்டும்.

ரூ.5 லட்சம் முதலீடு செய்தால் ரூ.10 லட்சம் பெறலாம்.., Post Office -ன் இந்த திட்டம் பற்றி தெரியுமா? | Invest Rs 5 Lakh Get Rs 10 Lakh Post Office Scheme

இந்தத் திட்டத்தின் கீழ் 18 வயதுக்கு மேற்பட்ட அனைவரும் தனி அல்லது கூட்டுக் கணக்கைத் தொடங்கலாம். இது தவிர, 10 வயதுக்கு மேற்பட்ட குழந்தை தனது பெயரில் கிசான் விகாஸ் பத்திரத்தை எடுத்துக் கொள்ளலாம்.

மைனர் அல்லது மனநிலை சரியில்லாத நபர் சார்பாக பாதுகாவலர்கள் கணக்கைத் திறக்கலாம். என்ஆர்ஐகள் இதில் முதலீடு செய்ய அனுமதி இல்லை.

கணக்கைத் திறக்கும்போது, ஆதார் அட்டை, வயதுச் சான்றிதழ், பாஸ்போர்ட் அளவு புகைப்படம், கேவிபி விண்ணப்பப் படிவம் போன்ற ஆவணங்கள் தேவைப்படலாம்.

ரூ.5 லட்சம் முதலீடு

கிசான் விகாஸ் பத்ரா திட்டத்தில் முக்கியமாக நாம் பார்க்க வேண்டியது என்னவென்றால் அதன் இரட்டிப்பு அம்சமாகும். அதாவது, நம் முதலீடு தொகையானது முன்னரே தீர்மானிக்கப்பட்ட காலத்தில் இரட்டிப்பாகும்.

இந்தத் திட்டத்தில் நீங்கள் ரூ.5 லட்சத்தை முதலீடு செய்தால் 115 மாதங்களுக்குப் பிறகு முதிர்ச்சியடையும் போது, நீங்கள் ரூ.10 லட்சத்தை வருமானமாகப் பெறுவீர்கள்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள்.

மேலும் வணிகம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்