லங்காசிறி FM
மாதம் ரூ.5,000 முதலீடு செய்து ரூ.16 லட்சம் பெறலாம்! குறைவான கால அளவு கொண்ட அசத்தலான திட்டம்
மாதம் ரூ.5,000 முதலீடு செய்து ரூ.16 லட்சம் கிடைக்கும் பயனுள்ள திட்டத்தை பற்றி இந்த பதிவில் விரிவாக பார்க்கலாம்.
தற்போதைய காலத்தில் நாம் எவ்வளவு தான் பணம் சம்பாதித்தாலும் சேமிப்பு என்பது மிகவும் தேவையாக உள்ளது. ஆனால், நாம் எதில் முதலீடு செய்கிறோம் என்பது தான் முக்கியம்.
இதில், நீண்ட கால முதலீடுகளைச் செய்ய விரும்புபவர்களுக்கு அரசின் ஆதரவுடன் இருக்கும் திட்டமான பொது வருங்கால வைப்பு நிதி (PPF) திட்டமே சிறந்தது. இந்த திட்டத்தில் முதலீட்டாளர்களை கவரும் வகையில் வரி சேமிப்பு போன்ற நன்மைகள் உள்ளன.
பொது வருங்கால வைப்பு நிதி (PPF) திட்டம்
PPF திட்டமானது ஆண்டுக்கு 7.1 சதவீத வட்டி விகிதத்தை வழங்குகிறது. பரஸ்பர நிதிகள் அல்லது பங்குகள் போன்ற சந்தை இணைக்கப்பட்ட முதலீடுகள் ஆகியவை PPF திட்டத்தை விட அதிக வருமானத்தை கொடுத்தாலும் அவைகள் ஆபத்தானவை.
இந்த திட்டத்தில் நீங்கள் சிறிய முதலீடு செய்து அதிக லாபத்தை பெறலாம். மேலும், PPF-ல் முதலீட்டாளர்கள் Exempt-Exempt-Exempt (EEE) நன்மைகளை பெற முடியும்.
உங்களில் மொத்த முதலீடு, சம்பாதித்த வட்டி மற்றும் முதிர்வுத் தொகைக்கு வரிகள் இல்லை. இது வரியில்லா சேமிப்பு விருப்பமாகும்.
PPF பங்களிப்புகளில் வருமான வரிச் சட்டத்தின் 80C பிரிவின் கீழ் சந்தாதாரர்கள் விலக்குகளைப் பெறலாம்.
ஒவ்வொரு இந்திய குடிமகனும் PPF கணக்கை திறந்து ஆண்டுக்கு ரூ.1.5 லட்சம் முதலீடு செய்யலாம். குறைந்தபட்சமாக ரூ.500 டெபாசிட் செய்ய முடியும். PPF முதலீடுகளுக்கு 15 ஆண்டுகள் லாக்-இன் (lock-in period) காலம் உள்ளது.
முதலீடு
* மாதம் ரூ.3000 முதலீடு செய்ததால் 15 ஆண்டுகளில் உங்களது முதலீட்டு தொகை ரூ.5,40,000 ஆக இருக்கும். அதேபோல 7.1% வட்டி விகிதத்தில் மொத்த வட்டி ரூ.4,36,370 ஆக இருக்கும்.
அதன்படி உங்களது முதிர்வு நேரத்தில் அசல் மற்றும் வட்டியுடன் சேர்த்து ரூ.9,76,370 கிடைக்கும்.
* மாதம் ரூ.5000 முதலீடு செய்ததால் 15 ஆண்டுகளில் உங்களது முதலீட்டு தொகை ரூ.9,00,000 ஆக இருக்கும். அதேபோல 7.1% வட்டி விகிதத்தில் மொத்த வட்டி ரூ.7,27,284 ஆக இருக்கும்.
அதன்படி உங்களது முதிர்வு நேரத்தில் அசல் மற்றும் வட்டியுடன் சேர்த்து ரூ.16,27,284 கிடைக்கும்.
இந்த திட்டத்தின் முக்கிய அம்சம் என்னவென்றால் 7 -வது வருடத்திற்குப் பிறகு பகுதியளவு தொகையை (withdraw partial amount) எடுக்கலாம். மேலும், 3 வருட கால முதலீட்டை முடித்த பிறகு நிலுவைத் தொகையில் கடன் பெறும் வசதியும் உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
புங்குடுதீவு 3ம் வட்டாரம், புங்குடுதீவு 12ம் வட்டாரம், Toronto, Canada
01 Jan, 2026
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025