லங்காசிறி FM
பூரன், ஸ்டோய்னிஸ் அதிரடி: பரபரப்பான ஆட்டத்தில் லக்னோவிடம் வீழ்ந்த பெங்களூரு
பெங்களூரு அணிக்கு எதிரான ஆட்டத்தில் 1 விக்கெட் வித்தியாசத்தில் லக்னோ அணி வெற்றிபெற்றது.
2 விக்கெட்டுக்கு 212 ஓட்டங்கள்
பெங்களூரு சின்னசாமி ஸ்டேடியத்தில் நடைபெற்ற ஆட்டத்தில் ராயல் சேலஞ்சர்ஸ் பெங்களூரு, லக்னோ சூப்பர் ஜெயண்ட்ஸ் அணிகள் மோதின. நாணய சுழற்சியில் வென்ற லக்னோ அணி களத் தடுப்பை தெரிவு செய்தது.
இதனையடுத்து, முதலில் துடுப்பாட்டத்தில் களமிறங்கிய பெங்களூரு அணி 20 ஓவரில் 2 விக்கெட்டுக்கு 212 ஓட்டங்கள் குவித்தது. டூ பிளெசிஸ் 79 ஓட்டங்களுடன் களத்தில் இருந்தார். விராட் கோஹ்லி 61 ஓட்டங்களும், மேக்ஸ்வெல் 24 பந்துகளில் 3 பவுண்டரி, 6 சிக்சர்களுடன் 59 ஓட்டங்களும் குவித்து ஆட்டமிழந்தனர்.
இதையடுத்து 213 ஓட்டங்கள் எடுத்தால் வெற்றி என்ற இலக்குடன் லக்னோ சூப்பர் ஜெயண்ட்ஸ் அணி களமிறங்கியது. ஆனால் தொடக்கத்திலேயே லக்னோ அணி ரசிகர்களுக்கு அதிர்ச்சி காத்திருந்தது. தொடக்க வீரர் கைல் மேயர்ஸ் டக் அவுட்டானார்.
தீபக் ஹூடா 9 ஓட்டங்களில் ஆட்டமிழந்தார். குருணால் பாண்ட்யா டக் அவுட்டானார். கே.எல்.ராகுல் 18 ஓட்டங்களில் வெளியேறினார். விக்கெட்டுகள் ஒருபுறம் வீழ்ந்தாலும் மார்கஸ் ஸ்டோய்னிஸ் சிறப்பாக ஆடினார். அவர் 30 பந்தில் 6 சிக்சர், 5 பவுண்டரியுடன் 65 ஓட்டங்கள் குவித்து ஆட்டமிழந்தார்.
நிகோலஸ் பூரன் 19 பந்தில் 62 ஓட்டங்கள்
அப்போது அணியின் ஸ்கோர் 5 விக்கெட்டுக்கு 105 ஓட்டங்கள் என இருந்தது. அடுத்து இறங்கிய பூரன், பதோனி ஜோடி பெங்களூரு பந்துவீச்சை நாலாபுறமும் சிதறடித்தது. குறிப்பாக, நிகோலஸ் பூரன் பவுண்டரி, சிக்சர்களாக விளாசினார். பூரன் 15 பந்தில் அரை சதம் கடந்தார். அவர் 19 பந்தில் 62 ஓட்டங்களில் அவுட்டானார்.
ஆயுஷ் பதோனி கடைசி கட்டத்தில் 30 ஓட்டங்கள் எடுத்தார். இறுதியில், லக்னோ அணி 9 விக்கெட்டுக்கு 213 ஓட்டங்கள் எடுத்து அபார வெற்றி பெற்றது. இதன்மூலம் ஒரு விக்கெட் வித்தியாசத்தில் லக்னோ 3வது வெற்றி பெற்று புள்ளிப்பட்டியலில் முதலிடம் பெற்றது.
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
