மும்பை அணிக்கு முடிவு கட்டிய லக்னோ! 5 முறை சாம்பியனான அணி தொடர்ந்து 6-வது முறை படுதோல்வி

மும்பை இந்தியன்ஸ் அணிக்கு எதிரான இன்றை ஐபிஎஸ் போட்டியில் 18 ஓட்டங்கள் வித்தியாசத்தில் அபார வெற்றி பெற்றது லக்னோ சூப்பர் ஜெயிண்ட்ஸ் அணி.

ஐபிஎல் வரலாற்றில் 5 முறை சாம்பியன்ஷிப் வென்ற மும்பை இந்தியன்ஸ் அணி இந்த 15-வது சீசனில் இதுவரை விளையாடிய 6 போட்டிகளிலும் தொடர்ந்து தோல்வியைடைந்துள்ளது. இது மும்பை இந்தியன்ஸ் அணியின் ரசிகர்களுக்கு மிகப்பெரிய சோகத்தை ஏற்படுத்தியுள்ளது.

இன்றைய ஐ.பி.எல். போட்டியில் 26-வது லீக் ஆட்டத்தில் மும்பை இந்தியன்ஸ் - லக்னோ சூப்பர் ஜெயிண்ட்ஸ் அணிகள் மோதின. இந்த போட்டியில் டாஸ் வென்ற மும்பை அணி பந்துவீச்சை தேர்வு செய்தது.

அதன்படி லக்னோ அணி முதலில் பேட்டிங் செய்தது. தொடக்க வீரர்களாக களமிறங்கிய டி காக், கே.எல் ராகுல் சிறப்பாக விளையாடினர். தொடக்க விக்கெட்டுக்கு 52 ஓட்டங்கள் சேர்த்தனர். இதனை தொடர்ந்து டி காக் 13 பந்துகளில் 24 ஓட்டங்கள் எடுத்து ஆட்டமிழந்தார்.

பின்னர் வந்த மணிஷ் பாண்டே , ராகுலுடன் சேர்ந்து சிறப்பாக விளையாடினார். பந்துகளை பவுண்டரி, சிக்சருக்கு பறக்கவிட்டனர். சிறப்பாக விளையாடிய கே.எல் ராகுல் 29 பந்துகளில் அரைசதம் அடித்தார்.

மணிஷ் பாண்டே 38 ஓட்டங்கள் எடுத்து ஆட்டமிழந்தார். அரைசதம் கடந்தபிறகு அதிரடியாக விளையாடிய கே,எல் 56 பந்துகளில் சதம் அடித்து அசத்தினார்.

இதனால் இறுதியில் 20 ஓவர்கள் முடிவில் 4 விக்கெட் இழப்பிற்கு லக்னோ அணி 199 ஓட்டங்கள் எடுத்தது. ராகுல் 103 ஓட்டங்களுடன் களத்தில் இருந்தார்.

இதனை தொடர்ந்து 200 ஓட்டங்கள் என்ற வெற்றி இலக்குடன் மும்பை அணி விளையாடியது. தொடக்க வீரர்களாக ரோகித் சர்மா ,இஷான் கிஷான் களமிறங்கினர். ரோகித் சர்மா 6 ஓட்டங்களில் ஆட்டமிழந்தார்.

பின்னர் வந்த டெவால்ட் பிரீவிஸ் அதிரடியாக விளையாடி ஓட்டங்கள் குவித்தார். அவர் 13 பந்துகளில் 31 ஓட்டங்கள் எடுத்து ஆட்டமிழந்தார். தொடர்ந்து இஷான் கிஷான் 13 ஓட்டங்களில் ஆட்டமிழந்தார்.

பின்னர் சூர்யகுமார் யாதவ், திலக் வர்மா நிலைத்து நின்று ஆடி ஓட்டங்கள் சேர்த்த்னர். அணியின் எண்ணிக்கை 121 ஒட்டாங்களாக இருந்தபோது திலக் வர்மா 26 ஓட்டங்களில் ஆட்டமிழந்தார், அடுத்த ஓவரிலே சூர்யகுமார் யாதவ் 37 ஓட்டங்களில் ஆட்டமிழந்தார்.

பின்னர் வந்த பொல்லார்ட் 25 ஓட்டங்களில் ஆட்டமிழந்தார் இறுதியில் 20 ஓவர்கள் முடிவில் மும்பை அணி 9 விக்கெட் இழப்பிற்கு 181 ஓட்டங்கள் எடுத்தது. இதனால் 18 ஓட்டங்கள் வித்தியாசத்தில் லக்னோ அணி வெற்றி பெற்றது