மழைக்காலத்தில் முடி பிசு பிசுன்னு இருக்கா ? இதனை எப்படி போக்கலாம்?

பொதுவாக மழைக்காலத்தில் முடி பிரச்சனைகள் அதிகமாக வாய்ப்பு உள்ளது. காரணம் காற்றில் உள்ள ஈரப்பதத்தால் அழுக்கு மற்றும் முடிகளில் சிக்கல் ஏற்படுகிறது.

இதுவே முடி உதிர்தலுக்கு முக்கிய காரணமாக அமைகிறது. இவற்றை ஆரம்பத்திலே நீக்க ஒரு சில இயற்கை வழிகள் உள்ளன. தற்போது அவற்றை பார்ப்போம்.   

Image - istocKphoto

• உளுந்தம் பருப்பை ஊறவைத்து பேஸ்ட்டாக கலந்து தலைமுடி மற்றும் உச்சந்தலையில் தடவி வர வேண்டும். இதை அப்படியே சுமார் 30 நிமிடங்கள் உலர வைக்க வேண்டும். பிறகு கூந்தலை நன்றாக அலசிக் கொள்ளுங்கள். இதை வாரத்திற்கு இரண்டு முறை என செய்து வருவதன் மூலம் அழுக்கில்லாமல் பளபளப்பான கூந்தலை பெற முடியும்.
  
  
• தயிர், லெமன் மற்றும் கடுகு எண்ணெய் சேர்த்து கலந்து பேஸ்ட்டாக்கி கொள்ளுங்கள். இந்த பேஸ்ட்டை தலையில் தடவி சிறிது நேரம் உலர வைக்க வேண்டும். பிறகு கூந்தலை அலசிக் கொள்ளுங்கள். அதே மாதிரி சில செம்பருத்தி பூ இலைகளை தண்ணீரில் போட்டு கொதிக்க வைத்து அதில் லெமன் சேர்த்து தலையில் தடவ வேண்டும். 20 நிமிடங்கள் அப்படியே விட்டு விட்டு பிறகு லேசான ஷாம்பு கொண்டு கழுவுங்கள்.
  
  
• ஒரு முட்டையின் வெள்ளைக் கரு, எலுமிச்சை மற்றும் சில துளிகள் தேன் சேர்த்து கலந்து கொள்ளுங்கள். பிறகு அதை தலையில் தடவி உலர விட வேண்டும். ஆழமான ஷாம்பு கொண்டு அலசிக் கொள்ளுங்கள். இது கூந்தலில் உள்ள எண்ணெய் பசையை நீக்கி முடியை மிருதுவாக வைக்க உதவுகிறது.
  
  
• உலர்ந்த நெல்லிக்காய் துண்டுகளை தேங்காய் எண்ணெயை சூடாக்கி சேர்த்துக் கொள்ளுங்கள். இதை வாரத்திற்கு இரண்டு முறை உங்கள் தலையில் தடவி வர வேண்டும். பிறகு கூந்தலை அலசிக் கொள்ளுங்கள். கூந்தல் கருகருவென பளபளப்பாக மாறும்.
  
  
• ஒரு கப் வெந்நீரில் வினிகர் மற்றும் தேன் சேர்த்து சில நிமிடங்கள் அப்படியே வைக்க வேண்டும். பிறகு அதை தலைமுடியில் தடவி சில நிமிடங்கள் கழித்து லேசான ஷாம்பு கொண்டு கழுவுங்கள். இது உங்கள் தலைமுடியை நேராக்க உதவுகிறது.
  
  
• பால் மற்றும் தேன் சேர்த்து தலைமுடியில் அப்ளை செய்து கொள்ளுங்கள். 30 நிமிடங்கள் கழித்து குளிர்ந்த நீரில் கழுவ வேண்டும். பாலின் இயற்கையான ஊட்டமளிக்கும் தன்மை மற்றும் தேனில் உள்ள ஈரப்பதத்தை தக்க வைத்து கூந்தலை நீரேற்றமாக வைக்க உதவுகிறது. கூந்தலை மிருதுவாக வைக்கவும் உதவுகிறது.  
  
  
• பாதாம் எண்ணெயுடன் சேர்த்து இதை நீங்கள் பயன்படுத்தி வரலாம். இந்த கலவையை தலைமுடியில் தடவி 30 நிமிடங்கள் வரை ஊற வைக்க வேண்டும். பிறகு கூந்தலை அலசிக் கொள்ளுங்கள்.
• வாழைப்பழத்தை எடுத்து மசித்து அதனுடன் மயோனைஸ் சேர்த்து தலையில் அப்ளை செய்து கொள்ளுங்கள். இதை உச்சந்தலையில் தடவி 10 நிமிடங்கள் கழித்து வெதுவெதுப்பான நீரில் கழுவ வேண்டும்.