உதடு கருமையாக உள்ளதா? இதனை நீக்க இதோ அசத்தலான டிப்ஸ்!

பொதுவாக நம்மில் பலருக்கு உதடுகள் மென்மையின்றி, தோலுரிந்து, கருப்பாக இருக்கும்.

இப்படி உதடுகளின் அழகு பாழாவதற்கு அளவுக்கு அதிகமான சூரியக்கதிர்களின் தாக்கம், காப்ஃபைன் போன்ற பல விஷயங்கள் காரணங்களாக உள்ளன.

இதனை போக்க அதிகம் பணம் செலவழிக்க வேண்டும் என்ற அவசியமில்லை. வீட்டில் இருக்கும் பொருட்களை கொண்டு கூட எளிய முறையில் போக்க முடியும். தற்போது அவை என்னென்ன என்பதை பார்ப்போம். 

அந்தவகையில் கருப்பான உதடுகளை எப்படி கலராக மாற்றலாம் என்பதை பார்ப்போம்.

• உதட்டின் மேல் உள்ள கருமை நீங்க புதினா சாறு, பீட்ரூட் சாறு, மாதுளைச் சாறு மூன்றையும் கலந்து தினமும் உதட்டில் தடவி 5 நிமிடம் ஊற வைத்து பின் கழுவி வர உதட்டின் கருமை நிறம் குறையும்.
  
  
•  உளுத்தம் பருப்பை வறுத்து, பொடி செய்து சிறிதளவு தேன் கலந்து உதட்டில் தடவி சிறிது நேரம் கழித்து உதட்டை கழுவிவிட வேண்டும்.இவ்வாறு தினமும் செய்து வந்தால் நல்ல பலன் கிடைக்கும். அதேபோல் நெல்லிச்சாறுடன் சிறிதளவு பாலாடை கலந்து உதட்டில் தடவி வந்தாலும் உதடு சிவப்பாக மாறும்.
  
  
• பாலாடையில் தேன் கலந்து தினமும் உதட்டில் தடவி 10 நிமிடம் கழித்து கழுவினால் உதடு மிகவும் மென்மையாகும்.
  
  
• கருமை நீங்க எலுமிச்சை சாற்றில் சர்க்கரையை சேர்த்து (எலுமிச்சை சாறு – 1 கப் சர்க்கரை ), சர்க்கரை கரைவதற்குள், அதனை உதடுகளில் தடவி மென்மையாக ஸ்கரப் செய்து, 10 நிமிடம் ஊற வைத்து, பின் குளிர்ந்த நீரில் கழுவ வேண்டும்.
  
  
• உதட்டின் மேல் உள்ள கருமை நீங்க தினமும் இரவு தூங்குவதற்கு முன் சிறிதளவு ரோஸ் வாட்டரை பஞ்சில் நனைத்து, உதட்டை சுற்றிலும் தடவி வர சில நாட்களில் உதடுகளில் சுற்றியுள்ள கருமைகள் மறையும். உதடு சிவப்பாக மாறும்.
  
  
• கற்றாழையின் ஜெல்லை இரவில் படுக்கும் முன் உதடுகளில் தடவி, இரவு முழுவதும் ஊற வைத்து, மறுநாள் காலையில் வெதுவெதுப்பான நீரில் கழுவ வேண்டும்.
  
  
• பீட்ரூட்டை துண்டுகளாக்கி ஃப்ரிட்ஜில் வைத்து, பின் குளிர்ச்சியான அந்த பீட்ரூட் துண்டுகளைக் கொண்டு உதடுகளை 2 நிமிடங்கள் மசாஜ் செய்து, 15-20 நிமிடம் கழித்து கழுவ வேண்டும்.
  
  
•  எலுமிச்சை சாறுடன் சிறிதளவு மஞ்சள் தூள் கலந்து உதட்டில் தடவி, பத்து நிமிடம் ஊறவைத்து பின்பு குளிர்ந்த நீரால் உதட்டை கழுவ வேண்டும் இந்த முறையை தினமும் செய்து வர சில நாட்களில் உதட்டின் மேல் உள்ள கருமைகள் நீங்கி உதடு சிவப்பாக மாறும்.