லங்காசிறி FM
BMW 5 கார் வைத்திருக்கும் இந்திய கிரிக்கெட் வீரர் இஷான் கிஷன்! வியக்க வைக்கும் அவரது சொத்து மதிப்பு
இந்திய கிரிக்கெட் அணி வீரர் இஷான் கிஷனின் சொத்து விபரம் குறித்த தகவல் வெளியாகியுள்ளது. பிசிசிஐ புதிய ஊதிய ஒப்பந்தத்தை அறிவித்தது.
இஷான் கிஷன்
இந்த ஒப்பந்தத்தில் இருந்து ஸ்ரேயாஸ் ஐயர், இஷான் கிஷன் ஆகியோர் நீக்கப்பட்டனர். ரஞ்சிக் கோப்பையில் விளையாடாததால் இஷான் கிஷன் மீது இந்த நடவடிக்கை எடுக்கப்பட்டதாக தெரிய வந்தது.
இஷான் கிஷன் கடந்த ஆண்டு C Grade ஒப்பந்தம் மூலம் ஒரு கோடி வருமானம் ஈட்டி வந்தார். அவரது ஒப்பந்தம் முடிவுக்கு வந்ததால் வருமானம் குறைந்துள்ளதாக கூறப்படுகிறது.
எனினும் ஐபிஎல் கிரிக்கெட் பெருமளவில் இஷான் கிஷன் வருமானம் ஈட்டியுள்ளார். குஜராத் லயன்ஸ் அணிக்காக 2017யில் 35 லட்சத்திற்கு அவர் ஏலத்தில் எடுக்கப்பட்டார். அதனைத் தொடர்ந்து மும்பை அணி அவரை ரூ.15.75 கோடிக்கு வாங்கியது ரசிகர்களின் புருவத்தை உயர செய்தது.
பிரம்மாண்ட வீடு
கிரிக்கெட் மட்டுமின்றி விளம்பரங்களிலும் வருமானம் பெறும் கிஷன், Ceat நிறுவன ஸ்டிக்கரை தனது துடுப்பில் ஒட்டியிருப்பதன் மூலம் மட்டுமே ரூ.1 கோடி பெறுகிறார்.
மேலும் Manyavar உள்ளிட்ட சில நிறுவனங்களின் விளம்பர தூதராகவும் செயல்பட்டு வரும் இவர், ரியல் எஸ்டேட் தொழிலில் பல்வேறு முதலீடுகளை செய்துள்ளார்.
இந்திய அணிக்காக விளையாடும் இஷான் கிஷன் டெஸ்ட் போட்டிக்கு 15 லட்சமும், ஒருநாள் போட்டிக்கு 6 லட்சமும், டி20 போட்டிக்கு 3 லட்சமும் வருமானம் பெறுகிறார்.
இவ்வாறாக பல்வேறு வழிகளில் வருமானம் பார்க்கும் இஷான் கிஷன் பாட்னாவில் பிரம்மாண்ட வீடு ஒன்றை வாங்கினார். மலட் பகுதியிலும் வீடு வாங்கியுள்ள இஷான் கிஷனின் சொத்து மதிப்பு ரூ.66 கோடி என கணக்கிடப்பட்டுள்ளது.
72 லட்சம் மதிப்பிலான BMW 5 கார் வைத்துள்ள கிஷன், ஒரு கோடி மதிப்பிலான Mercedes Benz C-Class மற்றும் 92 லட்சம் மதிப்பிலான Ford Mustang ஆகிய கார்களையும் வைத்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வல்வெட்டித்துறை, London, United Kingdom, Brampton, Canada
16 Mar, 2026
