லங்காசிறி FM
இஸ்ரேலில் சாலை விபத்துக்குக் காரணமான பிரெஞ்சுக்காரர்... பாரிஸில் சுட்டுக் கொலை
பத்தாண்டுக்கு முன்பு இஸ்ரேலில் நடந்த ஒரு மோசமான சாலை விபத்தில் தொடர்புடைய பிரான்ஸ் நாட்டவர், பாரிஸில் சுட்டுக் கொல்லப்பட்டுள்ளார்.
சுட்டுக் கொல்லப்பட்டுள்ளார்
பாரிஸின் செல்வந்தர்கள் வசிக்கும் புறநகர்ப் பகுதியான Neuilly-sur-Seineல் உள்ள ஒரு தெருவில் வியாழக்கிழமையன்று சுட்டுக் கொல்லப்பட்டார்.
உள்ளூர் நேரப்படி பகல் 9.30 மணியளவில் Eric Robic என்ற அந்த நபர் சுட்டுக் கொல்லப்பட்டுள்ளார் என்றே அதிகாரிகள் தரப்பு தெரிவித்துள்ளனர்.
ஸ்கூட்டரில் சென்ற இருவர் கைத்துப்பாக்கியால் பலமுறை சுட்டதாகவும், பின்னர் உடனடியாக அங்கிருந்து தப்பிச் சென்றதாகவும் நேரில் பார்த்தவர்கள் தெரிவித்துள்ளனர்.
நிதி தொடர்பான குற்றங்கள் உட்பட 12 தீர்ப்புகளைப் பெற்றிருந்த ரோபிக், டெல் அவிவ் நகரில், அதிவேகமாகச் சென்ற தனது SUV வாகனத்தால் மோதி, இஸ்ரேலியப் பெண்ணான லீ செய்டூனியை (Lee Zeitouni) கடந்த 2011-ஆம் ஆண்டில் கொன்ற சம்பவத்திற்காகவே மிகவும் அறியப்பட்டிருந்தார்.
விபத்து நடந்த சில மணி நேரங்களிலேயே ரோபிக்கும் ஒரு பயணியும் இஸ்ரேலிலிருந்து தப்பிச் சென்றது பொதுமக்களிடையே பெரும் கொந்தளிப்பையும் அரசாங்க ரீதியாக சர்ச்சையையும் ஏற்படுத்திய நிலையில்,
ஐந்து ஆண்டுகள்
தன் சொந்தக் குடிமக்களை நாடு கடத்தாத கொள்கையின் அடிப்படையில், இஸ்ரேலின் நாடு கடத்தல் கோரிக்கையை பிரான்ஸ் நிராகரித்தது. மட்டுமின்றி, இந்த வழக்கு பிரான்ஸ்-இஸ்ரேலிய உறவுகளில் விரிசலை ஏற்படுத்தியதுடன், இரு நாடுகளிலும் தொடர்ச்சியான அரசியல் மற்றும் மக்கள் அழுத்தத்திற்கும் வழிவகுத்தது.
இந்த நிலையில், பிரெஞ்சு சட்டத்தின் கீழ், ரோபிக் பின்னர் பாரிஸில் விசாரிக்கப்பட்டார். 2014-ல், ஒரு பிரெஞ்சு நீதிமன்றம் அவரை மூர்க்கத்தனமான தற்செயலான கொலை மற்றும் ஆபத்தில் உள்ள ஒரு நபருக்கு உதவத் தவறிய குற்றங்களுக்காக குற்றவாளி எனக் கண்டறிந்து, அவருக்கு ஐந்து ஆண்டுகள் சிறைத்தண்டனை விதித்தது.
தற்போது அவர் சுட்டுக்கொல்லப்பட்டுள்ளது சலசலப்பை ஏற்படுத்தியிருந்தாலும், அதிகாரிகள் தரப்பில் இருந்து இதுவரை விளக்கமேதும் தெரிவிக்கப்படவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுழிபுரம் மேற்கு, London, United Kingdom
21 Apr, 2024
வேலணை கிழக்கு, Cambridge, United Kingdom, கொலம்பஸ், United States
17 Apr, 2019
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021