லங்காசிறி FM
எனக்கு தமிழ்நாட்டில் உயிர் கொடுத்தது விஜயகாந்த் தான்! நடிகை நமீதா உருக்கம்
தனக்கு உயிர் கொடுத்தது கேப்டன் விஜயகாந்த் தான் என்று அவரது நினைவிடத்தில் நடிகை நமீதா.உருக்கமாக பேசியுள்ளார்.
நமீதா பிறந்தநாள்
நடிகை நமீதா நேற்று தன்னுடைய 43 -வது பிறந்தநாளை கொண்டாடிய நிலையில் சென்னை தியாகராய நகரில் உள்ள திருப்பதி பெருமாள் கோயிலில் வழிபாடு நடத்தி, அன்னதானம் செய்தார்.
பின்னர், மறைந்த நடிகரும், அரசியல்வாதியுமான விஜயாகாந்த் நினைவிடத்திற்கு சென்று நமீதா வணங்கினார்.
அவர் பேசியது
பின்னர் செய்தியாளர்களை சந்தித்த நடிகை நமீதா பேசுகையில், "எனது பிறந்தநாளில் கோயிலுக்கு சென்று வழிபாடு நடத்தி அன்னதானம் செய்ததில் எனக்கு மகிழ்ச்சி.
ஆனால், கேப்டன் விஜயகாந்த் மறைந்த சமயத்தில் அவரை பார்ப்பதற்கு என்னால் வர முடியவில்லை. எனது பிறந்தநாளில் கேப்டனின் ஆசீர்வாதம் வேண்டும் என்று இங்கு வந்திருக்கிறேன்.
கடவுளாக நினைக்கும் விஜயகாந்த் நினைவிடத்திற்கு சென்று ஆசீர்வாதம் பெறுவது என்னுடைய பாக்கியம். தமிழ்நாட்டில் நமீதாவுக்கு உயிர் கொடுத்தது கேப்டன் விஜயகாந்த் தான். சூப்பர் ஸ்டாரான அவருக்கு பத்ம பூஷன் விருது கொடுத்தது மகிழ்ச்சி.
படப்பிடிப்பு தளத்தில் விஜயகாந்த் எப்போதும் சுறுசுறுப்பாகவே இருப்பார்" என்று பேசினார். அப்போது அவருடன் கணவர் வீரேந்திர செளத்ரியும் உடனிருந்தார்.
தமிழில் மறைந்த நடிகர் விஜயகாந்த் நடித்த ‘எங்கள் அண்ணா’ படம் மூலமாக நமீதா அறிமுகமானார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சண்டிலிப்பாய், மானிப்பாய், London, United Kingdom, கனடா, Canada
02 Nov, 2020
கரவெட்டி கிழக்கு, நெல்லியடி, Scarborough, Canada, Ajax, Canada
01 Oct, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
