லங்காசிறி FM
T20 உலக கிண்ணத்தில் முதல் வெற்றியை பதிவு செய்த இத்தாலி - மொஸ்கா சகோதரர்கள் சாதனை
Karthikraja
in கிரிக்கெட்
T20 உலக கிண்ண வரலாற்றில் முதல் வெற்றியை பதிவு செய்த இத்தாலி, புதிய சாதனை ஒன்றை படைத்துள்ளது.
இத்தாலி முதல் வெற்றி
2026 T20 உலக கிண்ணத்தின் 17வது போட்டியில் சி பிரிவில் இத்தாலி மற்றும் நேபாளம் அணிகள் மோதியது.
மும்பை வான்கடே மைதானத்தில் நடைபெற்ற இந்த போட்டியில் நாணய சுழற்சியில் வென்ற இத்தாலி அணி பந்துவீச்சை தேர்வு செய்தது.
இதன்படி முதலில் துடுப்பாட்டம் ஆடிய நேபாள அணி, 19.3 ஓவர்களில் 123 ஓட்டங்களை எடுத்து அனைத்து விக்கெட்களையும் இழந்தது.
அதிகபட்சமாக ஆரிப் ஷேய்க் 27 ஓட்டங்கள் எடுத்திருந்தார். இத்தாலி தரப்பில், கிரிஷன் கலுகமகே 3 விக்கெட்டுகளை கைப்பற்றி அசத்தினார்.
124 ஓட்டங்கள் என்ற வெற்றி இலக்குடன் களமிறங்கிய இத்தாலி, விக்கெட் இழப்பின்றி 12.4 ஓவர்களில் 124 ஓட்டங்கள் எடுத்து பிரம்மாண்ட வெற்றியை பதிவு செய்துள்ளது.
தொடக்க ஆட்டக்காரர்கள் ஜஸ்டின் மொஸ்கா, 44 பந்துகளில் 60 ஓட்டங்களும், அந்தோனி மொஸ்கா 32 பந்துகளில் 62 ஓட்டங்களும் குவித்துள்ளனர்.
4 ஓவர்கள் வீசி 18 ஓட்டங்கள் விட்டுக்கொடுத்து 3 விக்கெட்களை கைப்பற்றிய கிரிஷான் கலுகமகே ஆட்ட நாயகனாக தேர்வு செய்யப்பட்டார்.
மொஸ்கா சகோதரர்கள் சாதனை
இதன் மூலம் T20 உலக கிண்ணத்தில் முதல்முறையாக கலந்து கொண்ட இத்தாலி தனது முதல் வெற்றியை பெற்றுள்ளது.
மேலும், T20 உலக கிண்ண வரலாற்றில் அறிமுக அணி 10 விக்கெட் வித்தியாசத்தில் வெற்றி பெறுவது இதுவே முதல்முறை ஆகும்.
2014 டி20 உலகக் கிண்ணத்தில், பாகிஸ்தானின் கம்ரான் அக்மல் மற்றும் உமர் அக்மல் சகோதரர்கள் இணைந்து 96 ஓட்டங்கள் எடுத்ததே சகோதர்கள் எடுத்த அதிகபட்ச ஓட்டமாக இருந்தது.
தற்போது இத்தாலியின் அந்தோனி மொஸ்கா, ஜஸ்டின் மொஸ்கா சகோதரர்கள் இணைந்து 124 ஓட்டங்கள் ஓட்டங்கள் எடுத்து அந்த சாதனையை முறியடித்துள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
செம்பியன்பற்று, கொழும்பு, திருச்சி, India, London, United Kingdom
24 Mar, 2026
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026