லங்காசிறி FM
மனித உடலைக் குளிர்விக்கும் குளிர்சாதனப் பெட்டி - விலை என்ன தெரியுமா?
ஜப்பானில் மனித உடலைக் குளிர்விக்கும் குளிர்சாதனப்பெட்டி அறிமுகப்படுத்தப்பட்டுள்ளது.
மனித உடலைக் குளிர்விக்கும் குளிர்சாதனப் பெட்டி
பருவநிலை மாற்றம் காரணமாக உலகளவில் வெப்பநிலை அதிகரித்து வருகிறது. இந்த ஆண்டு ஐரோப்பிய நாடுகளில் வெப்ப அலை காரணமாக நூற்றுக்கும் அதிகமானோர் உயிரிழந்துள்ளனர்.
அலுவலங்களில் பணிபுரிபவர்கள் அங்குள்ள குளிர்சாதன அமைப்புகளின் மூலம், வெப்பத்தின் தாக்கத்தில் இருந்து தங்களை தற்காத்துக்கொள்கின்றனர்.
ஆனால், தொழிற்சாலைகள் மற்றும் திறந்த வெளிகளில் பணிபுரியும் தொழிலாளர்கள் வெப்ப அலையால் கடுமையாக பாதிக்கப்படுகின்றனர்.
இந்நிலையில், ஜப்பானில் மனித குளிர்சாதனப்பெட்டி அறிமுகப்படுத்தப்பட்டுள்ளது.
ஜப்பானை சேர்ந்த ட்ரஸ்கோ நகாயாமா கார்ப்பரேஷன் என்ற நிறுவனம் உருவாக்கிய இந்த சாதனத்திற்கு டோ ரெய்மோன் பெட்டி(Do Reimon Box) என பெயரிட்டுள்ளது.
இது ஒரு நேரத்தில் ஒருவர் மட்டும் பயன்படுத்தும் வகையில் வடிவமைக்கப்பட்ட, சிறிய குளிரூட்டும் அறையாகும்.
பயனர்கள் உள்ளே நுழைந்து, அங்குள்ள நாற்காலியில் அமர்ந்து கதவை மூடினால் போதும்.
உள்ளே வெப்பநிலை சுமார் 15°C ஆகப் பராமரிக்கப்படுகிறது. கிட்டத்தட்ட 5°C வரை குளிர்விக்கப்பட்ட காற்று கழுத்து, தலை மற்றும் முதுகுப் பகுதிகளை நோக்கிச் செலுத்தப்படுகிறது.
உடல் வெப்பநிலையைச் சீராக்குவதில் உடலின் இந்தப் பகுதிகள் முக்கியப் பங்கு வகிப்பதாக அந்த நிறுவனம் தெரிவித்துள்ளது.
இந்த அறைக்குள் 5 முதல் 10 நிமிடங்கள் செலவிடுவதன் மூலம், வெப்பத்திலிருந்து குறிப்பிடத்தக்க நிவாரணத்தைப் பெற போதுமானது என கூறப்படுகிறது.
அதிகமாக குளிர்வடைவதை தடுக்க ஒவ்வொரு குளிர்விக்கும் அமர்விலும் 20 நிமிடங்களுக்கு பிறகு தானாகவே அணைந்து விடும்.
இது வழக்கமான குளிரூட்டப்பட்ட அறைகளை விட வேகமாக உடலை குளிர்விப்பதோடு, வழக்கமான ஏசியை விட பாதியளவே மின்சாரம் தேவைப்படுகிறது.
கட்டுமானத் தளங்கள் அல்லது திறந்த தொழிற்சாலைப் பகுதிகளில் வழக்கமான குளிர்சாதன வசதி சாத்தியமில்லாத இடங்களில் இதனை பயன்படுத்திக்கொள்ளலாம்.
இதனை எளிதாக நகர்த்தும் வகையில் சக்கரங்கள் பொருத்தப்பட்டுள்ளதால், எங்கு வேண்டுமோ அங்கு வைத்து பயன்படுத்திக்கொள்ளலாம்.
இருப்பினும், இது நீரேற்றம், ஓய்வு அல்லது மருத்துவ சிகிச்சைக்கு மாற்றாகப் பயன்படுத்தப்படாது என்று நிபுணர்கள் குறிப்பிடுகின்றனர்.
ஆனால், பணியிடத்தில் ஏற்படும் வெப்ப வெளிப்பாட்டை நிர்வகிப்பதற்கும், அதீத வெப்பநிலையுடன் தொடர்புடைய அபாயங்களைக் குறைப்பதற்கும் உதவுகிறது.
இது கடந்த ஏப்ரல் மாதத்தில் விற்பனைக்கு வந்த நிலையில், குன்மா மாகாணத்தில் உள்ள மேபாஷி நகர மன்றத்தில், பார்வையாளர்கள் இதை இலவசமாகப் பயன்படுத்தும் வகையில் வைக்கப்பட்டுள்ளது.
இதன் சாதாரண மாடலின் விலை 1.5 மில்லியன் யென் (இந்திய மதிப்பில் ரூ. 9 லட்சம்) என நிர்ணயிக்கப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
புங்குடுதீவு, பரிஸ், France, London, United Kingdom
10 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
