இந்திய மண்ணில் முதல் முறையாக இயங்கிய ஜப்பான் போர் விமானங்கள் - Veer Guardian 2026 பயிற்சி தொடக்கம்

Japan fighter jets fly from India first time in history: இந்தியாவில் முதல் முறையாக ஜப்பான் போர் விமானங்கள் இயக்கப்பட்டுள்ளன.

Veer Guardian 2026 பயிற்சி

ராஜஸ்தானின் ஜோத்பூர் விமானப்படை நிலையத்தில் நடைபெறும் ‘Veer Guardian 2026’ எனும் இருதரப்பு விமானப் பயிற்சியில், இந்தியா மற்றும் ஜப்பான் விமானப்படைகள் இணைந்து பங்கேற்றுள்ளன.

Chief of the Air Staff Air Marshal AP Singh met Japan Air Self-Defense Force Chief of Staff General Takehiro Morita during the joint air exercise ‘Veer Guardian 2026’ at Air Force Station.@IAF_MCC #VeerGuardian2026 #IndiaJapan #IAF #JASDF #Defence pic.twitter.com/2vAmotKT71

— DD India (@DDIndialive) September 20, 2026

இந்திய விமானப்படை தளபதி ஏர் மார்ஷல் A.P. சிங் தனியாக தேஜஸ் விமானத்தில் பறந்தார். ஜப்பான் விமானப்படை தளபதி ஜெனரல் டகேஹிரோ மோரிடா ஒரு பைலட்டுடன் சேர்ந்து தேஜஸ் விமானத்தில் பறந்தார்.

இது இரு நாடுகளின் பரஸ்பர மரியாதை மற்றும் கூட்டாண்மையை வெளிப்படுத்தும் முக்கிய நிகழ்வாகக் கருதப்படுகிறது.

31 மெட்ரிக் டன் தங்கத்தை லண்டனிலிருந்து அமெரிக்காவிற்கு மாற்ற வெனிசுலா திட்டம்

பங்கேற்ற விமானங்கள்

இந்த பயிற்சியில் இந்தியாவின் தேஜஸ், Su-30MKI, ரஃபேல் விமானங்கள் பங்கேற்கின்றன. ஜப்பானின் F-2A போர் விமானங்களும் இதில் இணைந்துள்ளன.

ஏர் மார்ஷல் சிங், “ஜப்பான் விமானங்கள் இந்திய மண்ணில் செயல்படுவது எங்கள் இருதரப்பு உறவின் வரலாற்றில் மிகப்பெரிய மைல்கல்லாகும். இது பரஸ்பர நம்பிக்கை, தொழில்முறை ஒத்துழைப்பு மற்றும் அமைதிக்கான உறுதியை வெளிப்படுத்துகிறது” என்று கூறினார்.

ஜப்பான் தளபதி மோரிடா, “இந்த பயிற்சி, பரஸ்பர புரிதலை வலுப்படுத்தி, நீடித்த ஒத்துழைப்பை மேம்படுத்தும். தேஜஸ் விமானம் இந்தியாவின் தொழில்நுட்ப முன்னேற்றத்தையும் ‘Make in India’ முயற்சியையும் பிரதிபலிக்கிறது” என்று தெரிவித்தார்.

#ExVeerGuardian26

As part of Exercise Veer Guardian 26, General Takehiro Morita, Chief of Staff, Japan Air Self-Defense Force (JASDF) and Air Chief Marshal AP Singh, Chief of the Air Staff, visited Air Force Station Jodhpur and flew the indigenous #Tejas fighter aircraft.

Air… pic.twitter.com/s4KTCjdkvH

— Indian Air Force (@IAF_MCC) September 20, 2026

14 நாட்கள் நடைபெறும் இந்த பயிற்சியில், நடவடிக்கை (Mission) திட்டமிடல், பொறியியல், விமான பாதுகாப்பு உள்ளிட்ட பல்வேறு தொழில்முறை பரிமாற்றங்கள் இடம்பெறுகின்றன.

மேலும், இந்தியாவின் தேஜஸ் MK-2 மேம்பட்ட போர் விமானம் விரைவில் உருவாகும் என்றும், இது இந்தியாவின் பாதுகாப்பு விமானத் துறையை புதிய உயரத்திற்கு கொண்டு செல்லும் என்றும் ஏர் மார்ஷல் சிங் தெரிவித்துள்ளார்.

இந்த பயிற்சி, இந்தியா-ஜப்பான் உறவுகளை வலுப்படுத்தும் முக்கியமான முன்னேற்றமாகக் கருதப்படுகிறது.

ஜேர்மனியில் மின்சார கார் விற்பனை அதிகரிப்பு - அரசுக்கு வருவாய் குறைவு