டெஸ்ட் கிரிக்கெட் வரலாற்றில்... 200 விக்கெட் சாதனை புரிந்த ஜஸ்பிரித் பும்ரா

டெஸ்ட் கிரிக்கெட்டில் 200 விக்கெட் மைல்கல்லை எட்டிய முதல் வீரர் என்ற பெருமையை இந்தியாவின் ஜஸ்பிரித் பும்ரா படைத்துள்ளார்.

200 விக்கெட்டுகள்

20க்கும் கீழ் சராசரியுடன் பும்ரா இந்த சாதனையை பதிவு செய்துள்ளார். எக்காலத்திலும் சிறந்த வேகப்பந்து வீச்சாளர்களில் ஒருவரான இந்தியாவின் ஜஸ்பிரித் பும்ரா தனது கிரிக்கெட் வாழ்க்கையில் புதிய உச்சத்தை எட்டியுள்ளார்.

அவர் டெஸ்ட் கிரிக்கெட்டில் 200 விக்கெட் என்ற மைல்கல்லை எட்டியுள்ளார். ஞாயிற்றுக்கிழமை மெல்போர்ன் கிரிக்கெட் மைதானத்தில் நான்காவது டெஸ்டின் 4வது நாளில் ஆஸ்திரேலியாவின் டிராவிஸ் ஹெட்டை நீக்கியபோது பும்ரா அந்த சாதனையை எட்டியுள்ளார்.

இந்தத் தொடரில் ஏற்கனவே அதிக விக்கெட் வீழ்த்திய வீரராக வலம் வரும் பும்ரா, மால்கம் மார்ஷல், ஜோயல் கார்னர் மற்றும் கர்ட்லி ஆம்ப்ரோஸ் போன்ற சில சிறந்த வீரர்களின் சாதனையை சமன்செய்து 200 விக்கெட்டுகள் என்ற மைல்கல்லை எட்டியுள்ளார்.

டெஸ்ட் கிரிக்கெட்டில் 200 அல்லது அதற்கு மேற்பட்ட விக்கெட்டுகளை வீழ்த்திய அனைத்து பந்துவீச்சாளர்களிலும், பும்ரா சிறந்த சராசரியை வைத்துள்ளார். பும்ரா டெஸ்ட் கிரிக்கெட்டில் 19.5 சராசரியை வைத்துள்ளார், இது அவரை மால்கம் மார்ஷல் (20.9), ஜோயல் கார்னர் (21.0), மற்றும் கர்ட்லி ஆம்ப்ரோஸ் (21.0) ஆகியோரை விட முந்த வைத்துள்ளது.

முதல் பந்துவீச்சாளர்

உண்மையில், டெஸ்ட் கிரிக்கெட் வரலாற்றில் 20 க்கு கீழ் சராசரியாக வைத்து 200 விக்கெட்டுகளை வீழ்த்திய முதல் பந்து வீச்சாளர் என்ற பெருமையை பும்ரா தட்டிச் சென்றுள்ளார்.

ஏற்கனவே ஜடேஜா டெஸ்ட் போட்டிகளில் 200 விக்கெட்டுகளை வீழ்த்தியுள்ள நிலையில், இரண்டாவது இந்திய வீரர் என்ற பெருமையை பும்ரா படைத்துள்ளார். பும்ரா மற்றும் ஜடேஜா இருவரும் தங்களது 44வது டெஸ்டில் இந்த சாதனையை படைத்தனர், மேலும் ஒட்டுமொத்தமாக இந்த மைல்கல்லை பூர்த்தி செய்த 12வது இந்திய பந்துவீச்சாளர் ஆவார் பும்ரா.

சமீபத்தில் ஓய்வு பெற்ற இந்திய சுழற்பந்து வீச்சாளர் ரவிச்சந்திரன் அஷ்வின், தனது 37வது டெஸ்டில் 200 விக்கெட்டுகள் என்ற சாதனையை பதிவு செய்தார். மட்டுமின்றி 200 விக்கெட்டுகளை விரைவாக வீழ்த்திய இந்தியர்களில் முதலிடத்திலும் உள்ளார்.