குறைந்த விலையில் சூப்பரான Smart phone! ரிஸ்க் எடுக்கும் முகேஷ் அம்பானி? அதனால் அவருக்கு எவ்வளவு நஷ்டம் வரும் தெரியுமா?

இந்தியாவின் நம்பர் 1 கோடீஸ்வரரான முகேஷ் அம்பானியின் ரிலையன்ஸ் ஜியோ கூகுள் உடன் இணைந்து தயாரித்த ஜியோபோன் நெக்ஸ்ட் 4ஜி ஸ்மார்ட்போனை குறைந்த விலையில் விற்க திட்டமிடப்பட்டுள்ள நிலையில் அதனால் ஏற்படும் நஷ்டம் குறித்து தகவல் வெளியாகியுள்ளது.

ரிலையன்ஸ் ஜியோ கூகுள் உடன் இணைந்து தயாரித்த ஜியோபோன் நெக்ஸ்ட் 4ஜி ஸ்மார்ட்போனை மிகவும் குறைந்த விலைக்கு இந்தியாவில் விற்பனை செய்யத் திட்டமிட்டது. ஆனால் இது சாத்தியம் இல்லை என்பதால் பெரும் பகுதி தொகையை ரிலையன்ஸ் ஜியோ நஷ்டமாக ஏற்றுக்கொண்டு வாடிக்கையாளர்களையும் வர்த்தகத்தையும் பெற முடிவு செய்தது.

ரிலையன்ஸ் ஜியோ இது முதல்கட்ட திட்டத்தில் ரிலையன்ஸ் ஜியோ 3750 கோடி ரூபாய் அல்லது மொத்த செலவில் 25 சதவீதம் மானிய விலையில் கொடுத்தால் தான் 4000 ரூபாய்க்கு 4ஜி ஜியோபோன் நெக்ஸ்ட் ஸ்மார்ட்போனை விற்க முடியும் எனக் கணிக்கப்பட்டது.

ஆனால் சந்தை மொத்த கணக்கீட்டையும் தலைகீழாகப் புரட்டிப்போட்டு உள்ளது. உலகம் முழுவதும் கடந்த இரண்டு வருடத்தில் உற்பத்தி பொருட்களின் விலை பெரிய அளவில் அதிகரித்தது.

இது மட்டும் அல்லாமல் ஸ்மார்ட்போன் சிப் தட்டுப்பாடு காரணமாக உற்பத்தி தடைபெற்றது மட்டும் அல்லாமல் விலையும் அதிகரித்துள்ளது. குறிப்பாகக் கொரோனா 2வது அலையில் அனைத்து உற்பத்தி பொருட்களின் விலையும் அதிகரித்தது. இதன் மூலம் முகேஷ் அம்பானி திட்டமிட்டபடி 4000 ரூபாய் அல்லது 50 டொலரில் விலையில் விற்க வேண்டும் என்றால் மிகப்பெரிய தொகையை நஷ்டமாக ஏற்க வேண்டிய கட்டாயத்தில் தள்ளப்பட்டு உள்ளார்.

முதல் கட்டமாக 75 மில்லயன் 4ஜி ஸ்மார்ட்போனை 4000 ரூபாய் விலைக்கு விற்பனை செய்ய வேண்டும் என்றால் ஒரு போனுக்குக் குறைந்தது 2,500 ரூபாய் மானிய விலையில் தான் விற்பனை செய்தாக வேண்டும்.

இதன் மூலம் 18,750 கோடி ரூபாய் அளவிலான நஷ்டத்தை ஏதிர்கொள்ள வேண்டும். இதைச் சமாளிக்க ரிலையன்ஸ் ஜியோ-விற்கு இருக்கும் ஓரே வழி ஜியோபோன் நெக்ஸ்ட்-ன் விலையை 5000 அல்லது 5,500 ரூபாய் வரையில் அதிகரிப்பது தான்.

ஆனால் இந்த விலையில் விற்பனை செய்யப்பட்டால் பியூச்சர் போன் பயன்படுத்துவோர் கட்டாயம் இதை வாங்க விரும்பமாட்டார்கள்.  

அதே சமயம் எப்படிப் பார்த்தாலும் இந்த 18,750 கோடி ரூபாய் சுமை என்பது 6 மாதம் முதல் 1 வருடம் மட்டுமே, இக்காலகட்டத்திற்குள் இந்தத் தொகையைத் திரும்பி தனது வர்த்தகத்தின் மூலம் ஜியோ எடுத்துவிடும் பட்சத்தில் பிறகு தொடர் லாபம் மட்டும் கிடைக்கும்.