சேஸிங்கில் தனியாளாக 166 ரன் விளாசிய ஜோ ரூட்! வரலாற்றில் இமாலய சாதனை

மேற்கிந்திய தீவுகளுக்கு எதிரான ஒருநாள் போட்டியில் சதம் விளாசியதன் மூலம், இங்கிலாந்தின் ஜோ ரூட் சாதனை படைத்தார். 

கேசி கார்ட்டி சதம்

கார்டிஃபில் இங்கிலாந்துக்கு எதிராக நடந்த இரண்டாவது ஒருநாள் போட்டியில், மேற்கிந்திய தீவுகள் முதலில் துடுப்பாடியது.

பிரண்டன் கிங் (Brandon King) 59 ஓட்டங்கள் எடுத்து ஆட்டமிழக்க, கேசி கார்ட்டி (Keacy Carty) அதிரடியாக சதம் விளாசினார். 105 பந்துகளை எதிர்கொண்ட கார்ட்டி 13 பவுண்டரிகளுடன் 103 ஓட்டங்கள் குவித்து ஆட்டமிழந்தார். 

Aggression from Mahmood 😡

Keep across all of today's action with our live in-play highlights 🎬

— England Cricket (@englandcricket) June 1, 2025

சிக்ஸர்களை பறக்கவிட்ட அணித்தலைவர் ஷாய் ஹோப் (Shai Hope) 66 பந்துகளில் 4 சிக்ஸர், 4 பவுண்டரிகளுடன் 78 ஓட்டங்கள் விளாச, மேற்கிந்திய தீவுகள் 308 ஓட்டங்கள் குவித்தது.

அடில் ரஷீத் 4 விக்கெட்டுகளும், சாகிப் மஹ்மூத் 3 விக்கெட்டுகளும், கர்ஸ், பெத்தெல் மற்றும் வில் ஜேக்ஸ் தலா ஒரு விக்கெட்டும் வீழ்த்தினர். 

ஜோ ரூட் ருத்ர தாண்டவம்   

பின்னர் களமிறங்கிய இங்கிலாந்து அணியில் தொடக்க வீரர்கள் டக்அவுட் ஆக, ஹாரி புரூக் 36 பந்துகளில் 47 ஓட்டங்கள் விளாசினார். 

Missing any of the action? 😅

Catch the best of Joe Root's sublime century now via our catch-up highlights 👇

— England Cricket (@englandcricket) June 1, 2025

அதன் பின்னர் வந்த பட்லர் ஓட்டங்கள் எடுக்காமலும், ஜேக்கப் பெத்தெல் 17 ஓட்டங்களிலும் ஆட்டமிழந்து வெளியேறினர்.

ஒருபுறம் விக்கெட்டுகள் வீழ்ந்தாலும் ஜோ ரூட் அபாரமாக ஆடி சதம் அடித்தார். அவருடன் கைகோர்த்த வில் ஜேக்ஸ் (Will Jacks) 49 ஓட்டங்கள் எடுத்தார். 

11 ஆண்டுகளுக்குப் பிறகு இறுதிப் போட்டியில் PBKS: ஷ்ரேயஸ் அதிரடியில் வீழ்ந்த மும்பை இந்தியன்ஸ்!

கடைசிவரை களத்தில் நின்ற ஜோ ரூட்டின் (Joe Root) மிரட்டலான ஆட்டத்தில், இங்கிலாந்து 48.5 ஓவரில் 312 ஓட்டங்கள் குவித்து வெற்றி பெற்றது.

இமாலய சாதனை

ஜோ ரூட் 139 பந்துகளில் 166 ஓட்டங்கள் குவித்தார். இதில் 2 சிக்ஸர், 21 பவுண்டரிகள் அடங்கும். இதன்மூலம் ஒருநாள் கிரிக்கெட்டில் 7000 ஓட்டங்கள் எடுத்த முதல் இங்கிலாந்து வீரர் எனும் வரலாற்று சாதனையை ரூட் படைத்தார்.

இயான் மோர்கன் 225 ஒருநாள் போட்டிகளில் 6,957 ஓட்டங்கள் குவிந்திருந்த நிலையில், ஜோ ரூட் 179 போட்டிகளில் 7,082 ஓட்டங்கள் எடுத்துள்ளார். 

மேலும், அவர் விளாசிய 166 ஓட்டங்கள் இங்கிலாந்து அணிக்காக சேஸிங்கில் எடுக்கப்பட்ட இரண்டாவது தனிநபர் அதிகபட்சம் ஆகும். ஜேசன் ராய் 180 ஓட்டங்கள் விளாசி முதலிடத்தில் உள்ளார்.