லங்காசிறி FM
புது ரூட் எடுத்த ஜோ ரூட்... கடைசியில் திடீர் திருப்பம்: 2வது நாளில் சுவாரஸ்ய க்ளைமேக்ஸ்
Arbin
in கிரிக்கெட்
இந்தியாவுக்கு எதிரான 3வது டெஸ்டின் முதல் இன்னிங்சில் இங்கிலாந்து அணித் தலைவர் ஜோ ரூட் மீண்டும் சதமடித்து அசத்தியுள்ளார்.
இந்தியா- இங்கிலாந்து அணிகளுக்கு இடையிலான 3-வது டெஸ்ட் லீட்ஸ் ஹெட்டிங்லேயில் நடைபெற்று வருகிறது. நாணய சுழற்சியில் வென்ற இந்திய அணி துடுப்பாட்டம் தெரிவு செய்து களமிறங்கியது.
ஆனால் இங்கிலாந்து பந்துவீச்சில் சிக்கிய இந்திய அணியால் அதிலிருந்து மீள முடியாமல் போனது. முன்னணி வீரர்கள் அடுத்தடுத்து வெளியேற சீட்டுக்கட்டு போல் சரிந்தது. இதனால் இந்தியா முதல் இன்னிங்சில் 40.4 ஓவரில் 78 ஓட்டங்களுக்கு அனைத்து விக்கெட்டுகளையும் இழந்து பரிதாப நிலைக்கு தள்ளப்பட்டது.
இதனையடுத்து, இங்கிலாந்து முதல் இன்னிங்சை தொடங்கியது. ரோரி பர்ன்ஸ், ஹசீப் ஹமீத் ஆகியோர் தொடக்க வீரர்களாக களம் இறங்கினர். இந்திய பந்து வீச்சாளர்களால் இந்த ஜோடியை பிரிக்க முடியாமல் போனது. இருவரும் சிறப்பாக விளையாடி அரைசதம் அடித்தனர்.
முதல் நாள் முடிவில் இங்கிலாந்து அணி விக்கெட் இழப்பின்றி 120 ஓட்டங்கள்கள் எடுத்திருந்தது. இந்நிலையில், இரண்டாம் நாள் ஆட்டம் இன்று நடைபெற்றது. இங்கிலாந்து 135 ஓட்டங்கள் எடுத்த நிலையில் ரோரி பர்ன்ஸ் 61 ஓட்டங்களில் ஆட்டமிழந்தார்.
சிறிது நேரத்தில் ஹசீப் ஹமீத் 68 ஓட்டங்களில் வெளியேறினார். அடுத்து இறங்கிய தாவித் மலான், ஜோ ரூட்டுடன் இணைந்து பொறுப்பான ஆட்டத்தை வெளிப்படுத்தினார். இந்த ஜோடி 139 ஓட்டங்கள் சேர்த்தது.
தாவித் மலான் 70 ஓட்டங்கள் எடுத்து ஆட்டமிழந்தார். அணித்தலைவர் ஜோ ரூட் சிறப்பாக ஆடி சதமடித்தார். இந்த தொடரில் ஜோ ரூட் அடிக்கும் 3வது சதம் இதுவாகும். இதே போல இந்தியாவுக்கு எதிராக டெஸ்ட் கிரிக்கெட்டில் அடிக்கும் 8வது சதம்.
மலான் வெளியேறிய நிலையில் 121 ஓட்டங்களுக்கு பும்ராவின் வேகத்தில் வெளியேறினார் ஜோ ரூட். இங்கிலாந்தின் முதல் வரிசை வீரர்களை காலி செய்த இந்திய அணி மிடில் ஆர்டர் விக்கெட்களை அடுத்தடுத்து எடுத்து கம்பேக் கொடுத்தது.
பேர்ஸ்டோவ்(29), ஜோஸ் பட்லர்(7), மொயின் அலி(8), சாம் கர்ரன்(15) ஓட்டங்கள் எடுத்து விக்கெட்டுகளை பறிகொடுத்தனர்.
இதனையடுத்து இரண்டாம் நாள் ஆட்ட முடிவில் இங்கிலாந்து அணி 8 விக்கெட் இழப்புக்கு 423 ஓட்டங்கள் எடுத்துள்ளது.
இந்தியா சார்பில் முகமது ஷமி 3 விக்கெட், சிராஜ், ஜடேஜா தலா 2 விக்கெட், பும்ரா ஒரு விக்கெட் வீழ்த்தினர்.
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
