எம்.எஸ். தோனியின் புகைப்படத்தை பகிர்ந்த WWE நட்சத்திரம்! வைரலாகும் பதிவு

பிரபல அமெரிக்கா மல்யுத்த வீரரும், ஹாலிவுட் நட்சத்திரமுமான ஜான் சீனா இந்திய கிரிக்கெட் அணியின் முன்னாள் கேப்டன் மகேந்திர சிங் தோனியின் புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார்.

மகேந்திர சிங் தோனி உலகப் புகழ்பெற்ற மிகப்பெரிய இந்திய பிரபலம் என்பது எல்லோருக்கு தெரியும். இந்திய கிரிக்கெட் அணியின் முன்னாள் கேப்டனாக இருந்த அவர், 2021 டி20 உலகக் கோப்பையில் இந்திய அணியின் ஆலோசகராக இருந்தார்.

அதேபோல், தற்போது ஹாலிவுட் திரைப்படங்களில் அதிரடி ஹீரோவாக நடித்துவரும், WWE நட்சத்திரமான ஜான் சீனா (John Cena) உலகளவில் கோடிக்கணக்கான ரசிகர்களை கொண்டுள்ளார். 16 முறை WWE சாம்பியனான ஜான் சீனா, இந்தியர்களுக்கு மிகவும் பிடித்த மல்யுத்த வீரர்களில் ஒருவராக இருக்கிறார். குறிப்பாக 90'ஸ் கிட்ஸ்களுக்கு மிகவும் பிடித்தவர் என்று கூறலாம்.

ஜான் சீனா, இந்திய பிரபலங்கள் இடம்பெறும் பதிவுகளை அடிக்கடி பகிர்ந்துள்ளார். ஆனால், முதல்முறையாக தனது பதிவில் எம்.எஸ். தோனியின் புகைப்படத்தை பகிர்ந்துள்ளார்.

View this post on Instagram

A post shared by John Cena (@johncena)

அவரது பதிவு மிகவும் வைரலாகிவருகிறது. இந்த டி20 உலகக்கோப்பையில் இந்திய அணையின் வழிகாட்டியாக இருந்தபொது எடுக்கப்பட்ட தோனியின் புகைப்படத்தை அவர் பகிர்ந்தார். அதனுடன் ஒரு வார்த்தை கூட எழுதவில்லை என்றாலும், அவரது பதிவு இருவரது ரசிகர்களையும் ஈர்த்துள்ளது.

கடந்த காலங்களில், ஜானின் பதிவுகளில் விராட் கோலி, அமிதாப் பச்சன், ஷாருக்கான், ஐஸ்வர்யா ராய் மற்றும் பலர் இடம்பெற்றுள்ளனர்.

WWE ஜாம்பவான், ஜான் சீனாவின் இன்ஸ்டாகிராமில் 16.7 மில்லியன் பின்தொடர்பவர்கள் உள்ளனர். மனி இன் பேங்க் 2021-க்குப் பிறகு WWEக்கு வருவாரா என மிகவும் எதிர்பார்க்கப்பட்ட நிலையில், யுனிவர்சல் சாம்பியன்ஷிப்பிற்கான சம்மர்ஸ்லாம் 2021-ன் முக்கிய நிகழ்வில், அவர் ரோமன் ரெய்ன்ஸுடன் களத்தில் எதிர்கொண்டார். இப்போது முழுநேர நடிகரான ஜான் சீனா, ரெஸில்மேனியா 38-க்கு முன் தனது WWE க்கு மீண்டும் வருவார் என்று எதிர்பார்க்கப்படவில்லை.

முன்னாள் இந்திய கேப்டன் தோனி தனிப்பட்ட வாழ்க்கை வாழ்கிறார் மற்றும் அவர் சமூக ஊடகங்களைப் பயன்படுத்துவதில்லை. அவர் பொது வெளியிலும் வருவதில்லை.

அவர் ஆகஸ்ட் 2020 இல் சர்வதேச கிரிக்கெட்டில் இருந்து ஓய்வு பெற்றார். ஐபிஎல் 2021-ல் சென்னை சூப்பர் கிங்ஸ் அணிக்கு கோப்பையை பெற்றுத்தந்த அவர், ஓய்வு பெறவில்லை என்றால் ஐபிஎல் 2022-ல் சென்னை சூப்பர் கிங்ஸுடன் மீண்டும் களமிறங்குவார்.