கள்ளக்குறிச்சி மாணவி ஸ்ரீமதி மரணம்! கைதான 2 ஆசிரியைகள் உட்பட 5 பேர் ஜாமீன் மனு

Kallakurichi School Death

By Raju Jul 28, 2022 02:00 PM GMT

Raju

in இந்தியா

Report

கள்ளக்குறிச்சி பள்ளி மாணவி மரணம் தொடர்பாக கைது செய்யப்பட்ட பள்ளி தாளாளர் உள்ளிட்ட 5 பேர் ஜாமீன் கோரி மனு தாக்கல் செய்துள்ளனர்.

கள்ளக்குறிச்சி மாவட்டம் சின்னசேலம் அருகே கனியாமூரில் உள்ள சக்தி மெட்ரிக் மேல்நிலைப்பள்ளியில் பிளஸ்-2 படித்த மாணவி ஸ்ரீமதி கடந்த 13-ந் திகதி மர்மமான முறையில் இறந்தார்.

இந்த சம்பவத்தை கண்டித்து நடந்த போராட்டம் கடந்த 17-ந் திகதி கலவரமாக வெடித்தது. இதையடுத்து இந்த வழக்கு குறித்து சி.பி.சி.ஐ.டி. பொலிசார் விசாரணை நடத்த டி.ஜி.பி. சைலேந்திரபாபு உத்தரவிட்டார்.

கள்ளக்குறிச்சி மாணவி ஸ்ரீமதி மரணம்! கைதான 2 ஆசிரியைகள் உட்பட 5 பேர் ஜாமீன் மனு | Kallakurichi Student Case Applied For Bail

இதன் விளைவாக மாணவி உயிரிழந்த விவகாரம் தொடர்பாக பள்ளி தாளாளர் ரவிக்குமார், அவரது மனைவியும், பள்ளி செயலாளருமான சாந்தி, பள்ளி முதல்வர் சிவசங்கரன், ஆசிரியைகள் ஹரிபிரியா, கீர்த்தனா ஆகிய 5 பேரை சின்ன சேலம் பொலிசார் கைது செய்தனர்.

இந்த நிலையில் பள்ளி தாளாளர் ரவிக்குமார், பள்ளி செயலாளர் சாந்தி மற்றும் பள்ளி முதல்வர் சிவசங்கரன், ஆசிரியைகள் 2 பேரும் தங்களுக்கு ஜாமீன் கேட்டு விழுப்புரம் மகளிர் நீதிமன்ற நீதிபதி சாந்தியிடம் இன்று மனுத்தாக்கல் செய்தனர்.

இந்த மனுவினை அவர்களது வழக்கறிஞர்கள் தாக்கல் செய்து உள்ளனர். இந்த மனு விசாரணைக்கு வரும்போது ஜாமீன் கிடைக்குமா? என்பது பின்னர் தான் தெரியவரும்.