லங்காசிறி FM
தமிழ்நாட்டு அரசியலின் இளமைக் குரல்.., உதயநிதிக்கு பிறந்தநாள் வாழ்த்து தெரிவித்த கமல் ஹாசன்
தமிழக துணை முதலமைச்சர் உதயநிதி ஸ்டாலினின் பிறந்தநாளுக்கு மக்கள் நீதி மய்ய தலைவர் கமல் ஹாசன் வாழ்த்து தெரிவித்துள்ளார்.
கமல் வாழ்த்து
தமிழக துணை முதலமைச்சர் உதயநிதி ஸ்டாலின் இன்று தனது 47 -வது பிறந்தநாளை கொண்டாடுகிறார். அவருக்கு, கட்சி தலைவர்கள், அரசியல் தலைவர்கள் உள்பட பலரும் தங்களது வாழ்த்துக்களை தெரிவித்து வருகின்றனர்.
அந்தவகையில் நடிகரும், மக்கள் நீதி மய்ய தலைவருமான கமல் ஹாசன் தனது ட்விட்டர் எக்ஸ் தளத்தில், "தமிழ்நாட்டு அரசியலின் இளமைக் குரலாய்த் திகழும் துணை முதல்வர், என் அன்புத் தம்பி உதயநிதி ஸ்டாலினுக்கு பிறந்தநாள் நல்வாழ்த்துகள்.
மென்மேலும் பல சாதனைகள் படைத்து மக்கள் மனதில் அசைக்க முடியாத இடத்தைப் பிடிக்க வாழ்த்துகிறேன்" என்று கூறியுள்ளார்.
அதேபோல கவிஞர் வைரமுத்து தனது ட்விட்டர் எக்ஸ் தளத்தில், "ஒருநாள் கலைஞரும் நானும் கோபாலபுரத்தில் உரையாடிக்கொண்டிருந்தோம்
உதயநிதி தன் மனைவி கிருத்திகாவோடு வந்தார்; நின்றுகொண்டே பேசினார்
கலைஞர் மறுத்த ஒருகருத்தை தன் வாதத்தை முன்னிறுத்திச் சாதித்துச் சென்றார்
அப்போதே தெரிந்துகொண்டேன் வலிவும் தெளிவும் மிக்க வல்லவர் இவரென்று
உதயநிதி பேரீச்சம் பழம்போல் மென்மையானவர்; ஆனால் அதன் விதையைப்போல் உறுதியானவர்
சின்னச் சின்ன எதிர்ப்புகள் இவரைச் சிதைப்பதில்லை குன்றிமணி முட்டிக் குன்றுகள் சாய்வதில்லை
காலம் இவரை மேலும் மேலும் செதுக்கும்; புதுக்கும் “தம்பீ வா தலைமையேற்க வா” அண்ணாவிடம் கடன்வாங்கி அண்ணன் வாழ்த்துகிறேன்" என்று கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
