லங்காசிறி FM
கமலா ஹாரிஸ் சென்ற விமானத்தில் கோளாறு... துணை அதிபரின் முதல் வெளிநாட்டுப் பயணத்திலேயே பிரச்சினை
அமெரிக்க துணை அதிபரான ஹமலா ஹாரிஸ் சென்ற விமானம், தொழில்நுட்பக் கோளாறு காரணமாக அவசரமாக தரையிறக்கப்பட்டதால் பரபரப்பு ஏற்பட்டது.
நேற்று குவாதிமாலா நாட்டுக்கு செல்வதற்காக Air Force 2 விமானத்தில் புறப்பட்டார் கமலா ஹாரிஸ். அதிகாரிகள் படை சூழ அவரை வழியனுப்பிவிட்டு திரும்பும் முன், விமானம் புறப்பட்டு சில நிமிடங்களே ஆவதற்குள் விமானத்தில் ஏதோ கோளாறு ஏற்பட்டது.
விமானத்தில் கமலாவுடன் பயணித்த ஊடகவியலாளர்கள், விமானத்திலிருந்து வழக்கத்துக்கு மாறான ஒரு சத்தம் வருவதை கவனித்துள்ளார்கள். அது, விமானத்தின் சக்கரங்களிலிருந்து வருவது போல் தோன்றவே, உடனடியாக விமானம் புறப்பட்ட இடத்துக்கே திரும்பி அவசரமாக தரையிறக்கப்பட்டுள்ளது.
ஆனால், விமானம் தரையிறங்கியதும், எந்த பிரச்சினையும் கண்டுபிடிக்கப்படவில்லை.
அப்போது ஊடகவியலாளர்கள் அவரிடம் அது குறித்து கேள்வி எழுப்பியதுடன், உங்களுக்கு பயமாக இருந்ததா என்று கேட்டார்கள்.
எல்லோரும் கடவுளை வேண்டிக்கொண்டோம், இப்போது நன்றாக இருக்கிறேன் என்றார் கமலா சிரித்துக்கொண்டே... பின்னர், கமலா வேறொரு விமானத்தில் குவாதிமாலாவுக்கு புறப்பட்டுச் சென்றார். இது கமலா ஹாரிஸின் முதல் அதிகாரப்பூர்வ வெளிநாட்டுப்பயணம் என்பது குறிப்பிடத்தக்கது.
