லங்காசிறி FM
தனுஷ் பட கண்டா வரச் சொல்லுங்க பாட்டியின் பரிதாப நிலை! என் பேரனை காப்பாதுங்க என கண்ணீர்
பிரபல நாட்டுப்புற பாடகியான மாரியம்மாள் தன்னுடைய பேரனை காப்பாற்றும் படி பலரின் உதவியை நாடியுள்ளார்.
நடிகர் தனுஷ் நடிப்பில் வெளியான கர்ணன் படம் ரசிகர்கள் மத்தியில் பெரும் வரவேற்பை பெற்றது. குறிப்பாக இப்படத்தில் இருக்கும் கண்டா வர சொல்லுங்க பாடல் பட்டி தொட்டி எங்கும் பரவியது.
இந்த பாடலை மாரியம்மாள் என்பவர் பாடியிருந்தார். நாட்டுப்புற பாடாகியான இவர் இதற்கு முன்பு வெடிகுண்டு முருகேசன், மாதவனும் மலர்விழியும், மதுரை சம்பவம், களவாணி 2 ஆகிய படங்களில் பாடியிருந்தார்.
இருப்பினும், இந்த பாடல் மூலமே இவர் அதிக அளவில் மக்கள் மனதில் நின்றார். இந்நிலையில் தற்போது இவர் பெரும் வேதனையில் உள்ளார். மாரியம்மாள் பல ஆண்டுக்கு முன்னரே கணவருடன் ஏற்பட்ட பிரச்சினை காரணமாக அவருடன் இருந்து பிரிந்து தனியாக வாழ்ந்து வந்துள்ளார்.
இதையடுத்து தன்னுடைய மகளுக்கு திருமணம் செய்து வைத்துள்ளார். மகளின் கணவரும் சில வருடங்களிலேயே உயிரிழந்துவிட்டதால், தனியாக இருக்கும் தனது மகள் மற்றும் பேரன்களை இவர் தான் கவனித்து வந்துள்ளார்.
இந்நிலையில், சில மாதங்களுக்கு முன்பு இவரது பேரனுக்கு புற்றுநோய் இருப்பது தெரியவந்தது. சிகிச்சைக்காக சென்னையில் வாடகை வீடு எடுத்து தங்கி அவருக்கு சிகிச்சை பார்த்து வந்திருக்கிறார்கள்.
கொரோனா பிரச்சினை காரணமாக இவருக்கு கிடைத்த வாய்ப்புகள் எல்லாம் அப்படியே கிடப்பில் போய் விட்டது. பேரனின் சிகிச்சைக்காக கையில் வைத்திருந்த பணத்தையெல்லாம் செலவு செய்து விட்டு சொந்தமாக இருந்த வீட்டையும் விற்று விட்டு.தற்போது வாடகை வீட்டில் வசித்து வருவதாக அவர் வேதனையுடன் கூறியுள்ளார். மேலும், அவர் நிதி நெருக்கடி காரணமாக கடந்த 3 மாதங்களாக வாடகை கூட கொடுக்க முடியவில்லை.
இன்னும் எத்தனை கஷ்டங்களை தான் நான் தாங்குவேன், முடிந்தவர்கள் கொடுத்து உதவி செய்தால் நன்றாக இருக்கும், என் பேரனை எப்படியாவது காப்பாற்றி கொடுங்க அய்யா என்று கண்ணீர் மல்க கூறியுள்ளார்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
