21 வயதில் கனிகாவின் ரூ 5600 முதலீடு... இன்று அவரின் சொத்து மதிப்பு ரூ 420 கோடி

ஷார்க் டேங்க் இந்தியா சீசன் 5-ல் நடுவராக இடம்பெற்ற நிலையில், கனிகா தெக்ரிவால் தேசிய அளவில் கவனத்தை ஈர்த்துள்ளார்.

விமானப் போக்குவரத்துத் துறை

தெக்ரிவால், இந்தியாவின் முதல் வெளிப்படையான தனியார் விமானப் போக்குவரத்து நிறுவனமான ஜெட்செட்கோ-வின் நிறுவனர் ஆவார்.

தெக்ரிவாலின் நிறுவனம் ஒன்பது தனியார் விமானங்களையும் இரண்டு ஹெலிகொப்டர்களையும் பயன்படுத்தி, 100,000-க்கும் மேற்பட்ட பயணிகளைக் கையாண்டு, 6,000-க்கும் அதிகமான விமானப் பயணங்களை இயக்கியுள்ளது.

கனிகா தெக்ரிவால் JetSetGo ஏவியேஷன் சர்வீசஸ் பிரைவேட் லிமிடெட் நிறுவனத்தின் நிறுவனர் மற்றும் தலைமை நிர்வாக அதிகாரி ஆவார். கடந்த 2014ல் சுதீர் பெர்லாவுடன் இணைந்து JetSetGo நிறுவனத்தை நிறுவினார்.

அமெரிக்கா தேடும் வெனிசுலாவின் இளவரசர்... யாரிந்த மதுரோ குவேரா

தெக்ரிவாலுக்கு விமானப் போக்குவரத்துத் துறையில் ஒரு தசாப்தத்திற்கும் மேலான அனுபவம் உள்ளது. இதனாலையே அவர் ஜெட்ஸெட்கோ நிறுவனத்தை ஒரு தொழில்நுட்பம் சார்ந்த சந்தை நிறுவனத்திலிருந்து ஒரு முன்னணி சொத்து மேலாண்மை நிறுவனமாக மாற்றியமைத்தார்.

கனிகாவின் நிகர சொத்து மதிப்பு 420 கோடி ரூபாய்க்கும் அதிகமாக மதிப்பிடப்பட்டுள்ளது. ஹுருன் பணக்காரர்கள் பட்டியலில் இடம்பெற்றுள்ள இளம் மற்றும் செல்வந்தப் பெண்களில் இவரும் ஒருவர்.

ஜெட்ஸெட்கோ நிறுவனத்தை நிறுவியபோது அவருக்கு வெறும் 21 வயதுதான் ஆகியிருந்தது. அவரது திட்டம் அப்போது எளிமையானது ஆனால் புரட்சிகரமானது.

இந்தியாவின் மிகப்பெரிய

தனியார் விமானங்களை வாங்கி, அவற்றை வாடகைக்கு விடுவது, இதன் மூலம் தனிநபர் விமானப் பயணத்தை மேலும் எளிதில் அணுகக்கூடியதாகவும், வெளிப்படையானதாகவும், திறமையானதாகவும் மாற்றுவது.

இதுவரை நான் வெறும் 5,600 ரூபாய் மட்டுமே முதலீடு செய்துள்ளேன், ஆனால் நாங்கள் இந்தியாவின் மிகப்பெரிய தனியார் பயணிகள் விமானக் குழுமத்தை இயக்கி வருகிறோம் என்று தெக்ரிவால் நேர்முகம் ஒன்றில் குறிப்பிட்டிருந்தார்.

இன்று, அவரது நிறுவனம் பல்வேறு தனியார் விமானங்களை நிர்வகிக்கிறது, உரிமை வழிகாட்டுதலை வழங்குகிறது, பிரத்யேக உறுப்பினர் திட்டங்களை வழங்குகிறது.

இந்தியாவில் தனிப்பட்ட விமானப் பயணங்களை அடுத்த கட்டத்திற்கு நகர்த்துவதே தங்களின் திட்டம் என்றும் கனிகா தெக்ரிவால் தெரிவித்துள்ளார்.