காசி ஆனந்த பவனம் பற்றி தெரியுமா? விபரம் இதோ

இந்தியாவில் புண்ணியஸ்தலங்களில் தலைமை இடமாக உள்ளது காசி. கங்கையில் நீராடி, காசி விஸ்வநாதரை தரிசித்தால் பாவங்கள் அனைத்தும் நீங்கி பிறப்பு இறப்பு இல்லாத முக்தி நிலை கிடைக்கும் என்பது நம்பிக்கை.

முக்தி தலங்களில் முதன்மை தலமாக விளங்கும் காசியில் தினமும் ஆயிரக்கணக்கான பக்தர்கள் வந்து வழிபட்டு செல்கின்றனர்.

காசி முக்தி தளத்தை பற்றி நாம் அனைவருக்கும் தெரியும், ஆனால் காசி விஸ்வநாதருக்கு நடக்கப்படும் சிறப்பு பூஜைகளை பற்றி யாருக்கும் தெரியாது.

காசி விஸ்வநாதர் ஆலயத்தில் நடக்கும் சில வகை பூஜைகளில் கலந்துகொண்டால் நாம் நினைத்து வேண்டியது அனைத்தும் நடக்கும் மேலும் புண்ணியங்களும் வந்தடையும்.

காசி விஸ்வநாதர் ஆனந்த பவனம்

காசியில் விஸ்வநாதர் வீற்றிருக்கும் கருவறையை ஆனந்த பவனம் என்று அழைப்பார்கள். இது பலரும் தெரியாத விஷயமாகும். ஆனந்த பவனம் என பெயர் ஏற்படுவதற்கு இங்கு தினமும் மாலையில் நடக்கும் சப்தரிஷி பூஜையே காரணம்.

காசியில் விஸ்வநாதருக்கு செய்யப்படும் பூஜைகளிலே விசேஷமான பூஜை இந்த சப்தரிஷி பூஜை தான். அத்திரி, வசிஷ்டர், காஷ்யபர், கெளதமர், பரத்வாஜர், விஸ்வாமித்ரர், ஜமதக்னி ஆகிய ஏழு முனிவர்களும் சப்தரிஷிகள் என போற்றப்படுகிறவர்கள்.

இந்த ஏழு முனிவர்களும் தினமும் மலையில் காசி விஸ்வநாதரை தரிசிக்க வருவதை ஐதீகம்.

​சப்தரிஷி பூஜை

காசியில், சிவனை நோக்கி தவமிருந்து, சப்தரிஷி மண்டலத்தில் வசிக்கும் பெரும் பேறு பெற்றவர்கள். வானியல் சாஸ்திரப்படி சனி பகவானின் உலகிற்கு வடக்கே சப்தரிஷி மண்டலம் அமைந்திருப்பதாக சொல்லப்படுகிறது.

அங்கிருந்து இவர்கள் தினமும் காசிக்கு வந்து விஸ்வநாதரை சப்த ரிஷிகளும் பூஜிப்பதாக ஐதீகம்.

தினமும் காலை 7 மணி முதல் 08.30 வரை நடைபெறும் பூஜையில் 7 அர்ச்சகர்கள் விஸ்வநாதரை சுற்றி அமர்ந்து பூஜை செய்வார்கள்.

அப்போது ராம நாமம் எழுதப்பட்ட வில்வ இலைகளால் அர்ச்சித்த படி, சிவபெருமானுக்குரிய மந்திரங்கள், ஸ்லோகங்கள் பாடப்படும். இந்த பூஜை முடிந்த பிறகு விஸ்வநாதருக்கு அபிஷேகம் நடைபெற்று நாகாபரணம், வெள்ளிக் குடை அணிவிக்கப்பட்டு, தீபாராதனை காட்டப்படும். அதைத் தொடர்ந்து உடுக்கை அடித்து பைரவருக்கு பூஜை நடைபெறும்.

அதற்கு பிறகு தான் பக்தர்கள், விஸ்வநாதரை தொட்டு வணங்க அனுமதிக்கப்படுகிறார்கள்.

ஆனந்தத்தில் காசி விஸ்வநாதர்

சப்தரிஷி பூஜை தினமும் நடைபெறுவதால் காசியில் விஸ்வநாதர் மகிழ்ச்சி பெருக்குடன் இருப்பதாக ஐதீகம். இதனால் காசிக்கு விஸ்வநாதர் ஆலயத்திற்கு பிறகு ஆனந்த பவனம் என்ற பெயரும் உள்ளது.

வெள்ளித் தகடு பதித்த கொட்டியில் தங்க ஆவுடையார் மீது விஸ்வநாதர் எழுந்தருளி உள்ளார்.

சிவனின் அடி முடியை காண பிரம்ம தேவரும், திருமாலும் புறப்பட்ட போது அவர்களின் ஆணவத்தை ஈசன் அழித்த இடம் காசி என சொல்லப்படுகிறது. அதனால் இந்த தலத்திற்கு மகா மயானம் என்றும் பெயர். கோவிலின் பின்புறம் ஆதி விஸ்வநாதர் சன்னதியும் உள்ளது.

யாருக்கெல்லாம் முக்தி கிடைக்கும் ?

காசிக்கு வரும் அனைவருக்கும் பாவங்கள் நீங்கி முக்தி கிடைத்து விடும் என பலரும் தவறாக நினைத்துக் கொண்டிருக்கிறார்கள்.

ஆனால் இந்த தலத்திற்கு வந்து, காசி விஸ்வநாதரை தரிசிக்கும் போது, இறைவனை தரிசிக்கும் மிகப் பெரிய பாக்கியம் கிடைத்ததே போதும். இறைவனின் அருள் ஒன்றை தவிர வேறு எதுவும் வேண்டாம் என்ற எண்ணம் எவர் ஒருவருக்கு ஆத்மார்த்தமாக ஏற்படுகிறதோ அவர்களுக்கு மட்டுமே அரிதான முக்தி கிடைக்கும்.