ஐந்தே நாட்களில் பதவியை இழந்த வெள்ளை மாளிகை ஊடகச் செயலர்

Katie Zacharia ousted as White House Press Secretary in five days: கேற்றி ஸக்கரியா, ஐந்தே நாட்களில் தனது ஊடகச் செயலர் பதவியை இழந்துள்ளார்.

பதவிக்கு வந்ததுமே கடும் சர்ச்சைகளில் சிக்கிய வெள்ளை மாளிகை ஊடகச் செயலர், தன் பதவியை இழந்துள்ளார்.

ஐந்தே நாட்களில் பதவி இழப்பு

திங்கட்கிழமையன்று, கேற்றி ஸக்கரியா என்னும் பெண்ணை வெள்ளை மாளிகையின் ஊடகச் செயலராக நியமித்தார் அமெரிக்க ஜனாதிபதி ட்ரம்ப். 

செவ்வாயன்று தன் முதல் ஊடகவியலாளர் சந்திப்பை நடத்திய கேற்றி, தன் கணவர் தன் குழந்தைகளைப் பார்த்துக்கொள்வார் என்று சொல்வதற்கு பதிலாக, என் ஜனாதிபதி பார்த்துக்கொள்வார் என வாய் தவறிக் கூற, அந்த செய்தி ஊடகங்களிலும் சமூக ஊடகங்களிலும் பரவியது.

அத்துடன், வெறும் 14 நிமிடங்களிலேயே கேற்றி தன் முதல் ஊடகவியலாளர் சந்திப்பை முடித்துக்கொள்ள, அதுவும் விமர்சனத்துக்குள்ளானது. 

மீண்டும் சர்ச்சையில் வெள்ளை மாளிகை ஊடகச் செயலர்...

எல்லாவற்றிற்கும் மேல், அவர் தன்னை ஒரு சட்டத்தரணி என கூறிக்கொள்ள, அவர் அதற்கான தகுதித் தேர்வில் தோல்வியடைந்துவிட்டதாக பிரபல ஊடகம் ஒன்று செய்தி வெளியிட, கடும் சர்ச்சை உருவானது.

இந்நிலையில், ஊடகச் செயலராக பொறுப்பேற்ற வெறும் ஐந்தே நாட்களில், அதாவது, வெள்ளிக்கிழமை, தனது பதவியைத் துறந்துள்ளார் கேற்றி.

President Trump is a kind, wonderful, gracious, thoughtful, enthusiastic, and hardworking man. I wish more Americans appreciated him. No one will ever make America great the way he has and continues to. It was an honor to work for him. https://t.co/Tp4NizrhE2

— Katie Zacharia (@KatieZacharia) October 17, 2026

அதைத் தொடர்ந்து, சமூக ஊடகமான எக்ஸில் செய்தி ஒன்றை வெளியிட்டுள்ள கேற்றி, அமெரிக்க ஜனாதிபதி ட்ரம்புடன் வேலை செய்ய வாய்ப்பு கிடைத்தது ஒரு கௌரவம் என்று கூறி, அவரை பாராட்டு மழையில் நனைத்துள்ளதுடன், இப்படிப்பட்ட ஒருவரை மேலும் பல அமெரிக்கர்கள் பாராட்ட வேண்டும் என தான் விரும்புவதாகவும் தெரிவித்துள்ளார்.

இதற்கிடையில், ஊடகச் செயலர் பதவியில் நீடிப்பது குறித்து மறுபரிசீலனை செய்யுமாறு தான் கேற்றியிடம் கூறியதாக தெரிவித்த ட்ரம்ப், அதே நேரத்தில், ஊடகங்கள் அவரை நடத்திய விதம் சரியில்லை என்றும் கூறியுள்ளார்.