லங்காசிறி FM
பிரித்தானியா செல்லும் கனவில் இருந்த 24 வயது இளம்பெண்.,கிளம்பும்முன் பறிபோன உயிர்
Sivaraj
in ஐக்கிய இராச்சியம்
இந்திய மாநிலம் கேரளாவில் இளம்பெண்ணொருவர் அரளி இலை, பூவை மென்றதால் உயிரிழந்த சம்பவம் சோகத்தை ஏற்படுத்தியது.
பிரித்தானியா செல்லவிருந்த இளம்பெண்
கேரளாவின் ஹரிபாட் பகுதியைச் சேர்ந்த இளம்பெண் சூர்யா சுரேந்திரன் (24). இவர் செவிலியர் பணியில் சேர பிரித்தானியா செல்லவிருந்தார்.
இந்த நிலையில் விமான நிலையம் செல்லும் முன்பாக, அண்டை வீட்டாரிடம் விடைபெற சென்றுள்ளார்.
அப்போது சூர்யா செல்போனில் பேசியபடி தன்னை அறியாமலேயே ஒரு அரளி மற்றும் பூவை பிய்த்து சாப்பிட்டுவிட்டதாக கூறப்படுகிறது.
அதன் பின்னர் ஆலப்புழாவை அடைந்த அவர் வாந்தி எடுத்துள்ளார். இதனால் உடனடியாக சூர்யா மருத்துவமனைக்கு அழைத்துச் செல்லப்பட்டார்.
சிகிச்சை பலனின்றி மரணம்
அங்கு மருத்துவர்கள் அவர் சாப்பிட்ட இலை, பூவை வெளியேற்ற முயன்றுள்ளனர். பின்னர் உடல்நிலை சீராகவே சூர்யா வீடு திரும்பியுள்ளார்.
ஆனால், அவரது உடல் மீண்டும் மோசமடைந்ததால் பருமலையில் உள்ள தனியார் மருத்துவமனையில் அனுமதிக்கப்பட்டார்.
துரதிர்ஷ்டவசமாக அங்கு அவர் சிகிச்சை பலனின்றி உயிரிழந்தார். பிரேத பரிசோதனையில் அரளி விஷம் தான் அவரது இறப்புக்கு காரணம் என உறுதிப்படுத்தப்பட்டது.
சூர்யாவுக்கு பிரித்தானியா பயணம் என்பது கனவாக இருந்தது. அவரது குடும்பமும் சூர்யாவின் வருமானத்தை நம்பியிருந்ததாகவும், தற்போது எல்லாம் தலைகீழாக மாறிவிட்டதாகவும் அவரின் அண்டை வீட்டார் தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
