லங்காசிறி FM
கடலுக்கு அடியில் மெஸ்ஸியின் பிரமாண்டமான கட்அவுட்டை வைத்த கேரள ரசிகர்!
கேரளவைச் சேர்ந்த ரசிகர்கள் மெஸ்ஸியின் பிரமாண்டமான கட்அவுட்டை அரபிக்கடலில் நீருக்கடியில் வைத்த வீடியோ வைரலாகிவருகிறது.
FIFA உலகக் கோப்பை 2022-ல் அர்ஜென்டினா வெற்றி பெற்றதைக் கொண்டாடும் பதிவுகளால் சமூக ஊடகத் தளங்கள் நிரம்பி வழிகின்றன.
மகிழ்ச்சியில் திளைத்த லியோனல் மெஸ்ஸியின் ரசிகர்கள் தெருக்களில் இறங்கி கொண்டாடிவருகின்றனர்.
ஆனால், இறுதிப் போட்டிக்கு முன்னதாகவே கேரளவைச் சேர்ந்த ரசிகர்கள் குழு மெஸ்ஸி மீதான அன்பை வெளிப்படுத்தும் விதமாக, அரபிக்கடலில் மூழ்கி மெஸ்ஸியின் பெரிய கட்அவுட்டை நீருக்கடியில் வைத்தனர்.
அர்ஜென்டினா அணி இறுதிப்போட்டிக்கு முன்னேறியதால் லியோனல் மெஸ்ஸியின் ரசிகர்கள் பல வழிகளில் உற்சாகமடைந்தனர்.
அந்த வகையில், கேரளாவை சேர்ந்த ரசிகர்கள் குழு கடலில் 100 அடி ஆழத்தில் லியோனல் மெஸ்ஸியின் கட்- அவுட்டை உருவாக்கி புதுமையான முறையில் தனது ஆதரவை வெளிப்படுத்தியது.
முகமது ஸ்வாதிக் என்ற இந்த ரசிகர், 'உலகக் கோப்பையில் அர்ஜென்டினா அணி இறுதிப் போட்டிக்கு வந்தால் மெஸ்ஸியின் கட்அவுட்டை கடலில் 100 அடி ஆழத்தில் வைப்பேன் என்று முன்பே கூறியிருந்தார்.
அதேபோல், செவ்வாய்கிழமை குரோஷியாவுக்கு எதிரான முதல் அரையிறுதியில் அர்ஜென்டினா 3-0 என்ற கோல் கணக்கில் வெற்றி பெற்ற பிறகு, முகமது ஸ்வாதிக் தனது வாக்குறுதியை நிறைவேற்றினார்.
கவரத்தி தீவில் வசிக்கும் முகமது ஸ்வாதிக்கின் வீடியோ இப்போது சமூக வலைதளங்களில் வைரலாகி வருகிறது .
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நவக்கிரி, நல்லூர், மானிப்பாய், கொழும்பு, Bunschoten, Netherlands
20 Dec, 2024
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
சாவகச்சேரி கல்வயல், மீசாலை, புளியம்பொக்கணை, உருத்திரபுரம், Markham, Canada
19 Jan, 2024
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
