லங்காசிறி FM
நாவூறும் சுவையில் கேரளா ஸ்பெஷல் மீன் குழம்பு: எப்படி செய்வது?
அசைவ உணவை விரும்பி சாப்பிடுபவர்கள் அதிகம். அதிலும் கடல் உணவான மீனை பெரும்பாலும் அதிகம் விரும்பி உண்பார்கள்.
மீன் உடலுக்கு தேவையான ஊட்டச்சத்துகளை அள்ளி தரும். உடலுக்கு நல்ல ஆற்றல் கிடைப்பதோடு உடல் எடையை குறைக்கவும் உதவுகிறது.
அந்தவகையில், நாவூறும் சுவையில் கேரளா ஸ்டைல் அயிலை மீன் குழம்பு எப்படி செய்வது என்று பார்க்கலாம்.
தேவையான பொருட்கள்
- அயிலை மீன்- 1kg
- சின்ன வெங்காயம்- 8
- தக்காளி- 1
- இஞ்சி- 1
- பூண்டு- 7
- கறிவேப்பிலை- சிறிதளவு
- பச்சை மிளகாய்- 3
- மஞ்சள் தூள்- 1 ஸ்பூன்
- புளி- நெல்லிக்காய் அளவு
- மல்லி தூள்- 1½ ஸ்பூன்
- மிளகாய் தூள்- 2 ஸ்பூன்
- கடுகு- 1 ஸ்பூன்
- வெந்தயம்- 1 ஸ்பூன்
- உப்பு - தேவையான அளவு
- தேங்காய் எண்ணெய் - தேவையான அளவு
செய்முறை
முதலில் அடுப்பில் மண் சட்டி வைத்து அதில் தேங்காய் எண்ணெய் ஊற்றி சூடானதும் அதில் சின்ன வெங்காயம் சேர்த்து வதக்கவும்.
பின் இதில் தக்காளி சேர்த்து நன்கு வதக்கியதும் இதனை ஆறவைத்து மிக்ஸி ஜாரில் அரைத்து எடுத்துக்கொள்ளவும்.
அடுத்து அடுப்பில் மண் சட்டியை வைத்து தேங்காய் எண்ணெய் ஊற்றி அதில் கடுகு, வெந்தயம், இஞ்சி, பூண்டு, கறிவேப்பிலை, பச்சை மிளகாய் சேர்த்து தாளிக்கவும்.
பின்னர் இதில் மஞ்சள் தூள், மல்லி தூள், மிளகாய் சேர்த்து எண்ணெயில் நன்கு வதக்கவும்.
இப்போது இதில் அரைத்து வைத்துள்ள விழுதை சேர்த்து வதக்கி பின் இதனுடன் புளி கரைத்த தண்ணீர் ஊற்றித் தேவையான அளவு தண்ணீர் சேர்க்கவும்.
பின்பு இதில் உப்பு சேர்த்து பச்சை வாசனை போகும்வரை நன்கு கொதிக்கவிடவும்.
இதனைத்தொடர்ந்து, குழம்பு கொதித்து பச்சை வாசனை போன பின்பு அதில் மீன் சேர்த்து வேக விடவும்.
மீன் வெந்தவுடன் இதில் கொத்தமல்லி தூவி இறக்கினால் சுவையான கேரளா ஸ்டைல் அயிலை மீன் குழம்பு எப்படி செய்வது என்று பார்க்கலாம்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
Kuala Lumpur, Malaysia, புங்குடுதீவு இறுப்பிட்டி, வேலணை மேற்கு, Markham, Canada
27 Feb, 2026
மீசாலை வடக்கு, கனகாம்பிகைக்குளம், Ross-on-Wye, United Kingdom
01 Mar, 2024
