லங்காசிறி FM
உலகின் சிறந்த விருந்தோம்பல் இங்கு தான்: இங்கிலாந்து முன்னாள் வீரர்
Sivaraj
in கிரிக்கெட்
இந்தியாவில் தான் உலகின் சிறந்த விருந்தோம்பலை அனுபவிக்கலாம் என இங்கிலாந்து முன்னாள் வீரர் கெவின் பீட்டர்சன் தெரிவித்துள்ளார்.
15வது ஐபிஎல் கிரிக்கெட் தொடர் இந்தியாவில் தற்போது நடைபெற்று வருகிறது. இதில் முன்னாள் வீரர்கள் வர்ணனையாளர்களாக செயல்பட்டு வருகின்றனர்.
இந்த நிலையில் இங்கிலாந்து கிரிக்கெட் அணியின் முன்னாள் நட்சத்திர வீரரான கெவின் பீட்டர்சனும் ஐபிஎல் கிரிக்கெட்டில் வர்ணனையாளராக பணியாற்ற விரைந்துள்ளார்.
அவர் இந்தியாவுக்கு புறப்படுவதற்கு முன்பு வெளியிட்டுள்ள பதிவில், 'ஐபிஎல் வர்ணனைக்காக வந்து கொண்டிருக்கிறேன், இதனால் மிகுந்த ஆர்வத்துடன் இருக்கிறேன். உலகின் சிறந்த விருந்தோம்பலை அனுபவிப்பது என்பதை எளிதாக எடுத்துக் கொள்ள விரும்பவில்லை. இந்தியாவில் இன்னும் சில மணிநேரங்களில் சந்திப்போம்' என தெரிவித்துள்ளார்.
36 ஐபிஎல் போட்டிகளில் விளையாடியுள்ள கெவின் பீட்டர்சன் 1001 ஓட்டங்கள் எடுத்துள்ளார். இதில் ஒரு சதம், நான்கு அரைசதம் அடங்கும் என்பது குறிப்பிடத்தக்கது.
கொழும்பு, மானிப்பாய், Dubai, United Arab Emirates, கனடா, Canada
14 Jan, 2021
