நடிகர் கிச்சா சுதீப்பின் வீட்டில் நேர்ந்த துயர சம்பவம்! மனம் உடைந்ததாக நடிகர் ஷிவராஜ்குமார் பதிவு

Karnataka Actors

By Sivaraj Oct 20, 2024 10:33 AM GMT

Sivaraj

in பொழுதுபோக்கு

Report

கன்னட நடிகர் கிச்சா சுதீப்பின் தாயார் தனது 86 வயதில் உடல்நலக்குறைவால் காலமானார்.

கிச்சா சுதீப்

கன்னட திரையுலகில் சூப்பர் ஸ்டார் நடிகராக வலம் வருபவர் கிச்சா சுதீப். இவர் தமிழில் புலி, முடிஞ்சா இவன புடி படங்களில் நடித்துள்ளார். கர்நாடகாவில் பெங்களூரு நகரில் கிச்சா சுதீப் வசித்து வருகிறார்.

இந்நிலையில், அவரது தாயார் சரோஜா சஞ்சீவ் உடல்நலக்குறைவால் உயிரிழந்துள்ளார். 86 வயதான அவர் உடல்நலப் பிரச்சனைகளால் சிகிச்சை பெற்று வந்த நிலையில், ஜெயநகர் அப்பல்லோ மருத்துவமனையில் காலமானார்.

Kichcha Sudeep

ஷிவராஜ்குமார் இரங்கல்

அவரது இறுதிச்சடங்கு இன்று ஜேபி நகரில் உள்ள அவரது இல்லத்தில் நடைபெற உள்ளது. தாயை இழந்த நடிகர் கிச்சா சுதீப்பிற்கு கர்நாடக துணை முதல்வர் டி.கே.சிவகுமார் வருத்தம் தெரிவித்துள்ளார்.

அதேபோல் நடிகர் ஷிவராஜ்குமார் தனது இரங்கல் பதிவில், "அவர்களின் (சரோஜா சஞ்சீவ்) இறப்பு செய்தியைக் கேட்டு மனம் உடைந்துவிட்டது. இறந்த ஆன்மா நித்திய சாந்தியடைய இறைவனைப் பிரார்த்திக்கிறேன். மேலும் சுதீப் மற்றும் அவரது குடும்பத்தினருக்கு வலியைத் தாங்கும் வலிமையை இறைவன் வழங்கட்டும்" என கூறியுள்ளார்.

Kichcha Sudeep