லங்காசிறி FM
22 வயதில் உலகின் இளம் தொழில்நுட்ப பில்லியனர் பெண் - யார் இந்த கிம் ஜங்-யூன்?
கிம் ஜங்-யூன், 22 வயதில் உலகின் இளம் தொழில்நுட்ப பில்லியனர் பெண் என்ற பெருமையை பெற்றுள்ளார்.
உலகின் இளம் தொழில்நுட்ப பில்லியனர்
ஃபோர்ப்ஸ் வெளியிட்ட 2026 உலக பில்லியனர்கள் பட்டியலில், கிம் ஜங்-யூன் உலகின் இளம் தொழில்நுட்ப பில்லியனராக உருவெடுத்துள்ளார்.
இவர் தென்கொரியாவை சேர்ந்த உலகளாவிய கேமிங் நிறுவனமான நெக்ஸனின் நிறுவனர் கிம் ஜங்-ஜூவின் மகள் ஆவார்.
கிம் ஜங்-ஜூ மறைந்த பின்னர் வாரிசுரிமை அடிப்படையில், அவரது சொத்துக்கள் மற்றும் நிறுவன பங்குகள் கிம் ஜங்-யூன் மற்றும் அவரது சகோதரிக்கு வந்துள்ளது.
ஆனால், சகோதரிகள் இருவருமே நிறுவனத்தின் செயல்பாடுகளில் நேரடியாக ஈடுபடவில்லை. ஃபோர்ப்ஸ் பத்திரிகையின்படி, கிம் ஜங்-யூனின் நிகர சொத்து மதிப்பு 1.5 பில்லியன் டொலர்கள் ஆகும்.
1994-ல் நிறுவப்பட்ட நெக்ஸான், ஆன்லைன் கேமிங் துறையில், ஆசிய சந்தையில் தொடர்ந்து ஆதிக்கம் செலுத்தி வருகிறது.
ஃபோர்ப்ஸ் பத்திரிகையின்படி, இந்த ஆண்டு 30 வயதுக்குட்பட்ட 35 பில்லியனர்கள் உள்ளனர்.
இதில், பலர் பரம்பரை சொத்து மூலம் இந்த பட்டியலில் இணைந்தாலும், AI ஆட்சேர்ப்புத் தளமான மெர்கோரின் பின்னணியில் உள்ள 22 வயது தொழில்முனைவோர்களைப் போல, 12 பேர் சுயமாக சம்பாதித்துள்ளவர்கள் ஆவர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
