லங்காசிறி FM
தனித்துவமான அம்சம் கொண்ட பிரித்தானிய பணத்தாள்கள்., ஏலத்தில் கோடிக்கணக்கில் விற்பனை
Ragavan
in ஐக்கிய இராச்சியம்
மன்னர் சார்லஸ் உருவப்படத்தை கொண்ட பணத்தாள்கள் தனித்துவமான அம்சம் காரணமாக ஏலத்தில் கோடிக்கணக்கில் விற்பனையானது.
பிரித்தானிய மன்னர் மூன்றாம் சார்லஸின் படத்தை கொண்டுள்ள புதிய கரன்சி நோட்டுகள் ஏலத்தில் £9,14,127-க்கு (இலங்கை பணமதிப்பில் சுமார் ரூ. 35.18 கோடி) விற்பனை செய்யப்பட்டுள்ளது.
இந்த விற்பனையின் மூலம் கிடைத்த வருமானம் முழுவதும் நன்கொடையாக வழங்கப்படும் என தெறிவிக்கப்பட்டுள்ளது.
இந்த நோட்டுகளின் மொத்த மதிப்பு சுமார் £78,000 (இலங்கை ரூ.3 கோடி) ஆகும்.
இந்த நோட்டுகளின் சேகரிப்பில், ஜூன் மாதத்தில் பிரித்தானிய மன்னர் மூன்றாம் சார்லஸின் உருவப்படத்துடன் அறிமுகப்படுத்தப்பட்ட புதிய £5, £10, £20 மற்றும் £50 நோட்டுகள் அடங்கும்.
இந்த ஏலத்தில் ஒரு £50 நோட்டு £26,000-க்கு விற்பனை செய்யப்பட்டது, இது இங்கிலாந்து வங்கியின் ஏலத்தில் இதுவரை எட்டிய மிக உயர்ந்த விலை என தெரிவிக்கப்பட்டுள்ளது.
அதேபோல், ஒரு £10 நோட்டு, HB01 00002 என்ற தொடர்க்குறியீட்டுடன், £17,000-க்கு விற்கப்பட்டது.
இந்தப் பணம் 10 நன்கொடை நிறுவனங்களுக்கு வழங்கப்படும், இதில் Childhood Trust, Trussell Trust, Shout, Carers UK, Demelza, WWF-UK, Brain Tumour Charity, London's Air Ambulance Charity, Child Bereavement UK, மற்றும் Samaritans ஆகியவை அடங்கும்.
இங்கிலாந்து வங்கியில் மொத்தம் 4.6 பில்லியன் நோட்டுகள் சுழற்சியில் உள்ளன, அவை சுமார் £82 பில்லியன் மதிப்புடையவை.
17-ஆம் நூற்றாண்டில் இங்கிலாந்து வங்கி (Bank Of England) கரன்சி நோட்டுகளை தயாரிக்கத் தொடங்கியது.
ஆனால், 1960-ஆம் ஆண்டில் தான், மறைந்த பிரித்தானிய மகாராணி இரண்டாம் எலிசபெத்தின் படத்தை கொண்ட முதல் £1 காகித நோட்டுகள் வெளியிடப்பட்டன.
பிரித்தானியாவில் பணத்தின் பயன்பாடு குறைந்து வருகிறது, சமீபத்திய கணக்கெடுப்பின்படி, கிட்டத்தட்ட பாதி (48%) மக்கள் தங்கள் வாழ்நாளில் பணமில்லா சமூகத்தை எதிர்பார்க்கிறார்கள் என்பது தெரியவந்தது.
இப்போதும், ஜூலை மாதத்தில் தபால் நிலையங்கள் £3.77 பில்லியன் பண பரிவர்த்தனைகளைச் செய்துள்ளன, இது பண பரிவர்த்தனையின் அதிகரிப்பை காட்டுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
King Charles banknotes, unique feature UK currency notes, UK currency notes auction, banknotes featuring King Charles III, UK 10 pounds currency note, 50 pounds currency note
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
