லங்காசிறி FM
இளவரசர் ஹரியை அழவைத்த மன்னர் சார்லஸ்: ஹரிக்கு இனி ராஜ குடும்பத்தில் இடமில்லை
இளவரசர் ஹரி பிரித்தானியா வந்துள்ள நிலையில், மன்னர் சார்லஸ் வெளியிட்டுள்ள அறிவிப்பு ஒன்று ஹரியை அழவைத்ததாக கூறப்படும் நிலையில், அந்த அறிவிப்பு ஹரிக்கு ஒரு முக்கிய செய்தியை தெரிவிப்பதற்காக வெளியிடப்பட்டதாக ராஜ குடும்ப நிபுணர்கள் கருதுகிறார்கள்.
ஹரி புறக்கணிப்பு?
இளவரசர் ஹரி தனது இன்விக்டஸ் விளையாட்டுப் போட்டிகள் தொடர்பான கூட்டம் ஒன்றிற்காக பிரித்தானியா வர இருப்பதாக தகவல் வெளியானதுமே, அவர் உடல் நலம் பாதிக்கப்பட்டுள்ள தனது தந்தையையும், அண்ணி கேட்டையும் சந்திப்பார் என பெரிதும் எதிர்பார்க்கப்பட்டது.
ஆனால், பிரித்தானியா வந்த ஹரியை ராஜ குடும்பம் வேண்டுமென்றே புறக்கணித்ததுபோல் உள்ளது. காரணம், மன்னரும் லண்டனில் நடைபெற்ற ஒரு நிகழ்ச்சியில் கலந்துகொண்டார். ஹரியும் லண்டனில் ஒரு நிகழ்ச்சியில் கலந்துகொண்டார்.
ஆனாலும், மன்னர் பிசியாக இருப்பதால் ஹரியை சந்திக்க இயலாது என தகவல் வெளியானது. வில்லியமும் கேட்டுமோ, அந்த நிகழ்ச்சியில் கூட தலைகாட்டவில்லை. ராணி கமீலாவும் லண்டனில் ஒரு நிகழ்ச்சியில் கலந்துகொண்டார். என்றாலும், ராஜ குடும்பத்தில் யாருமே ஹரியை கண்டுகொள்ளவில்லை.
இளவரசர் ஹரியை அழவைத்த மன்னர் சார்லஸ்
இதெல்லாம் போதாதென்று, வெந்த புண்ணில் வேல் பாய்ச்சியது போல, சரியாக ஹரி பிரித்தானியாவுக்கு வந்துள்ள நேரத்தில், பக்கிங்காம் அரண்மனை அறிவிப்பு ஒன்றை வெளியிட்டுள்ளது. அதுவும் ஹரியை அவமதிக்கும் வகையிலான ஒரு அறிவிப்பு.
அதாவது, ஹரி வகித்துவந்த பொறுப்பு ஒன்று, அவரது அண்ணனான இளவரசர் வில்லியமுக்கு வழங்கப்பட இருப்பதாக அறிவிக்கப்பட்டுள்ளது. Colonel-in-Chief of the Army Air Corps என்னும் அந்த பொறுப்பை ஹரியிடமிருந்து பறித்து, வில்லியமுக்குக் கொடுத்துள்ளார் மன்னர் சார்லஸ்.
Pic: Reuters
இந்த செய்தி அறிந்ததும் ஹரி கண்ணீர் விட்டதாக தகவல் வெளியாகியுள்ளதாக ராஜ குடும்ப நிபுணரான Tom Quinn தெரிவித்துள்ளார். இந்த விடயம் ஹரிக்கு வேதனையை ஏற்படுத்தும் என்று தெரிந்தும், அதுவும் அவர் பிரித்தானியாவுக்கு வந்திருக்கும்போது இப்படி ஒரு அறிவிப்பை அரண்மனை செய்திருக்குமானால், ஹரிக்கு இனி ராஜ குடும்பத்துடன் உறவு கிடையாது என்று பொருள் என்பதை ஹரி புரிந்துகொள்ளவேண்டும் என்கிறார் அவர்.
ஹரி ராஜ குடும்பத்துக்கு துரோகம் செய்தார், ராஜ குடும்ப பொறுப்புகளை உதறினார், அப்படியிருக்கும்போது, அவருக்குப் பிடித்த விடயங்களை அவர் இழந்துதானே ஆகவேண்டும் என்கிறார் Tom Quinn.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
