லங்காசிறி FM
11 முறை தொடர்ச்சியான 2 சதம் - யாரும் நெருங்க முடியாத சாதனையை படைத்த கோலி
Karthikraja
in கிரிக்கெட்
தென் ஆப்பிரிக்காவிற்கு எதிரான 2வது ஒரு நாள் போட்டியில், சதமடித்ததன் மூலம் விராட் கோலி பல்வேறு சாதனைகளை படைத்துள்ளார்.
சதமடித்த விராட் கோலி
இந்தியா மற்றும் தென் ஆப்பிரிக்கா அணிகளுக்கு இடையேயான 2 வது ஒருநாள் போட்டி ராய்ப்பூரில் நடைபெற்று வருகிறது.
நாணய சுழற்சியில் வென்ற தென் ஆப்பிரிக்கா அணி, முதலில் பந்து வீச்சை தேர்வு செய்தது.
முதலில் துடுப்பாட்டம் ஆடிய இந்திய அணி, 50 ஓவர்கள் முடிவில் 5 விக்கெட் இழப்பிற்கு 358 ஓட்டங்கள் குவித்துள்ளது.
இதில், விராட் கோலியும்(102), ருத்துராஜ் கெய்க்வாட்டும்(105) அதிரடியாக ஆடி சதமடித்தனர்.
93 பந்துகளில், 7 பவுண்டரி, 2 சிக்ஸர்கள் உட்பட 102 ஓட்டங்கள் எடுத்த விராட் கோலி, இதன் மூலம் பல்வேறு சாதனைகளை படைத்துள்ளார்.
விராட் கோலியின் சாதனைகள்
இதன் மூலம் தென் ஆப்பிரிக்காவிற்கு எதிராக அனைத்து வடிவ போட்டிகளிலும் அதிக 50+ ஓட்டங்கள் குவித்த இந்திய வீரர் என்ற சாதனையை கோலி படைத்துள்ளார்.
25 முறை 50+ ஓட்டங்களுடன் சச்சின் முதலிடத்தில் இருந்தார். தற்போது கோலி 26 முறை எடுத்து முதலிடம் பிடித்துள்ளார்.
ஒரு நாள் போட்டிகளில் 15 முறை தென் ஆப்பிரிக்காவிற்கு எதிராக 50+ ஓட்டங்கள் எடுத்து ரிக்கி பாண்டிங் மற்றும் குமார் சங்கக்காரவின் சாதனையை சமன் செய்துள்ளார்.
மேலும், 11வது முறையாக தொடர்ச்சியாக 2 ஒருநாள் போட்டிகளில் சதமடித்து யாரும் நெருங்க முடியாத சாதனையை கோலி படைத்துள்ளார்.
6 முறை தொடர்ச்சியாக 2 ஒருநாள் போட்டிகளில் சதமடித்தது தென் ஆப்பிரிக்க வீரர் ஏபி டி வில்லியர்ஸ் மற்றும் பாபர் அசாம் 2வது இடத்தில் உள்ளனர்.
ரோஹித் சர்மா, குமார் சங்கக்கார, சயீத் அன்வர் 5முறை இந்த தொடர்ச்சியாக 2 ஒருநாள் போட்டிகளில் சதமடித்துள்ளனர்.
மேலும், வேறு வேறு அதிக மைதானங்களில் சதமடித்த வீரர்களின் பட்டியலில் சச்சினின் சாதனையை சமன் செய்துள்ளார். சச்சினும் கோலியும் 34 மைதானங்களில் சதமடித்துள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
திருநெல்வேலி, யாழ்ப்பாணம், Kachcheri, நல்லூர், London, United Kingdom
03 Dec, 2009
