லங்காசிறி FM
கோலியின் 9-வது IPL சதம்., கொல்கத்தாவை வீழ்த்திய RCB
ராய்ப்பூரில் நடைபெற்ற IPL 2026 லீக் போட்டியில், ராயல் சேலஞ்சர்ஸ் பெங்களூரு (RCB) அணி, கொல்கத்தா நைட் ரைடர்ஸ் (KKR) அணியை 6 விக்கெட் வித்தியாசத்தில் வீழ்த்தியது.
முதலில் துடுப்பாடிய KKR அணி, 20 ஓவர்களில் 192 ஓட்டங்கள் எடுத்தது. இளம் வீரர் அங்க்ரிஷ் ரகுவன்ஷி 71 ஓட்டங்கள் (46 பந்துகள்) அடித்து அணி நிலையை வலுப்படுத்தினார்.
ரிங்கு சிங் 49 ஓட்டங்கள் (29 பந்துகள்) அடித்து இறுதியில் வேகமான ஆட்டத்தை வெளிப்படுத்தினார்.
193 ஓட்டங்கள் இலக்கை எதிர்கொண்ட RCB, தொடக்கத்தில் சற்று சிரமப்பட்டாலும், விராட் கோலி தனது அனுபவத்தால் அணியை வெற்றிக்குத் தள்ளினார்.
அவர் 60 பந்துகளில் 105 ஓட்டங்கள் (11 பவுண்டரி, 3 சிக்ஸ்) அடித்து ஆட்டமிழக்காமல் இருந்தார். இது IPL போட்டிகளில் கோழி அடித்த 9-வது சதம் ஆகும்.
தேவ்தத் படிக்கல் 39 ஓட்டங்கள் அடித்து கோலிக்கு சிறந்த துணையாக இருந்தார். இருவரும் சேர்ந்து 129 ஓட்டங்கள் கூட்டணி அமைத்தனர்.
A fan ran to touch Virat Kohli feet.pic.twitter.com/DjPXvq9tpq
— cricFusion Aashi (@cricket_x_Ashi) May 13, 2026
KKR பந்துவீச்சில் கார்த்திக் தியாகி 3 விக்கெட்டுகளை வீழ்த்தி சிறப்பாக விளையாடினார். ஆனால், கோலியின் சதம் RCB-க்கு வெற்றியை உறுதி செய்தது.
19.1 ஓவர்களில் 194 ஓட்டங்கள் எடுத்து, RCB 6 விக்கெட் வித்தியாசத்தில் வெற்றி பெற்றது.
இந்த வெற்றி RCB-க்கு பிளேஆஃப் வாய்ப்புகளை வலுப்படுத்துகிறது. KKR-க்கு, அடுத்த போட்டிகளில் வெற்றி பெறுவது அவசியமாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
#RCBvsKKR #ViratKohli #IPL2026 #RCBWin #KKR #IndianPremierLeague #CricketHighlights
