லங்காசிறி FM
சீனாவின் நாய் ரோபோ to கொரியாவின் ட்ரோன்: இந்தியாவுக்கு AI மாநாட்டில் ஏற்பட்டுள்ள அவமானம்
டெல்லி நடைபெறும் “இந்தியா AI இம்பாக்ட் சமிட் 2026”-யில் Galgotias பல்கலைக்கழகம் சீன தயாரிப்பு ரோபோவை காட்சிப்படுத்திய சம்பவம் சர்ச்சையை ஏற்படுத்திய நிலையில், தற்போது கொரிய Drone தொடர்பான புதிய சர்ச்சை புயலை கிளப்பியுள்ளது.
சர்ச்சைக்குள்ளான சீனா தயாரிப்பு ரோபோ
டெல்லியில் ஷாங்கிரி-லா ஈரோஸ்(Shangri-la Eros) நட்சத்திர ஹோட்டலில் நடைபெறும் “இந்தியா AI இம்பாக்ட் சமிட் 2026”-இல்(India AI Impact Summit 2026) கூகுள் நிறுவனத்தின் CEO சுந்தர் பிச்சை முதல் மைக்ரோசாப்ட் நிறுவனர் பில்கேட்ஸ் வரை பல்வேறு உலகத் தலைவர்கள் கலந்து கொண்டு சிறப்பித்து வருகின்றனர்.
Instead of leveraging India’s talent and data, the AI summit is a disorganised PR spectacle - Indian data up for sale, Chinese products showcased. https://t.co/5liaoX0XXp
— Rahul Gandhi (@RahulGandhi) February 18, 2026
இந்த மாநாட்டில் Galgotias பல்கலைக்கழகம் சீன தயாரிப்பு ரோபோ நாயை தங்களுடைய இந்திய தயாரிப்பு என்று காட்சியப்படுத்தியது.
ஆனால் Galgotias பல்கலைக்கழகம் காட்சிப்படுத்திய இந்த ரோபோ சீனாவின் Unitree நிறுவனத்தின் தயாரிப்பு என்று சமூக ஊடக பயனாளர்கள் வெளிச்சம் போட்டு காட்டினர்.
இந்த விவகாரம் பூதாகாரமாக வெடிக்கவே, இந்தியாவின் எதிர்கட்சியான காங்கிரஸ் கடுமையாக விமர்சித்து வருகிறது.
இந்நிலையில் Galgotias பல்கலைக்கழகம் நடந்த சம்பவத்திற்காக பகிரங்க மன்னிப்பு கேட்டு அறிக்கை ஒன்றை வெளியிட்டுள்ளது.
அதே நேரத்தில் ஏஐ மாநாட்டில் உள்ள Galgotias பல்கலைக்கழகத்தின் காட்சியளிப்பு பகுதி(Stall) முற்றிலுமாக அகற்றப்பட்டுள்ளது. முன்னதாக அவர்களுக்கான மின்சாரமும் துண்டிக்கப்பட்டது.
— Galgotias University (@GalgotiasGU) February 18, 2026
சீன தயாரிப்பை தொடர்ந்து கொரிய ட்ரோன்
ஏற்கனவே சீன தயாரிப்பு ரோபோ நாய் மிகப்பெரிய சர்ச்சையை ஏற்படுத்தியுள்ள Galgotias பல்கலைக்கழகம் காட்சிப்படுத்திய Soccer drone குறித்தும் சந்தேகங்கள் எழுந்துள்ளது.
Galgotias பல்கலைக்கழகம் தங்களுடய முழுமையான தயாரிப்பு என்று தெரிவித்துள்ள இந்த Soccer drone, இந்தியாவின் முதல் Soccer drone Arena எனவும் குறிப்பிட்டுள்ளது.
ஆனால் இந்த Soccer drone தென் கொரியாவில் வணிக ரீதியாக கிடைக்க கூடியது என்பதை சமூக வலைத்தளவாசிகள் வெளிச்சம் போட்டுக் காட்டியுள்ளனர்.
முன்பு சீன தயாரிப்பு, இப்போது கொரியாவா என சுட்டிக்காட்டி Galgotias பல்கலைக்கழகத்தின் செயலை இந்திய எதிர்க்கட்சியான காங்கிரஸ் கடுமையாக சாடியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
Kathirippai, அச்சுவேலி, விசுவமடு
19 Feb, 1997
