டெலிவரி ஊழியர் டூ வாட்சப் CEO ஆக உள்ள இந்தியர் - யார் இந்த குணால் ஷா?

வாட்சப் செயலியின் CEO ஆக இந்தியாவை சேர்ந்த குணால் ஷா பொறுப்பேற்க உள்ளார்.

வாட்சப் CEO

மெட்டா நிறுவனத்திற்கு சொந்தமான வாட்சப் செயலியை உலகம் முழுவதும் பில்லியனுக்கும் அதிகமான மக்கள் பயன்படுத்தி வருகின்றனர். 

[2NLU8L

இந்நிலையில், இந்தியாவில் உள்ள CRED என்னும் நிதி தொழில்நுட்ப நிறுவனத்தில், 900 மில்லியன் டொலர் (இந்திய மதிப்பில் சுமார் ரூ.8,550 கோடி) முதலீடு செய்யவுள்ளது. 

இதனைத்தொடர்ந்து, வாட்சப்பின் தற்போதைய தலைவரான வில் கேத்கார்ட்டுக்குப் பதிலாக, Cred இன் நிறுவனர் குணால் ஷாவை (Kunal Shah) வாட்ஸ்அப்பின் தலைமை நிர்வாக அதிகாரியாக நியமித்துள்ளதாக தகவல் வெளியாகியுள்ளது. குணால் ஷா இதனை தனது எக்ஸ் பக்கத்தில் உறுதிப்படுத்தியுள்ளார். 

It’s been a minute.

2015–2018
- Exited FreeCharge. Spent time learning and investing.
- Pondered about: Why can't trust be rewarded? Started with $1M of personal capital.
- Launched CRED to reward people for paying credit card bills on time.

2019–2025
- Built a system run by a…

— Kunal Shah (@kunalb11) June 22, 2026

2020 முதல் CRED-இன் வியூகம் மற்றும் நிதிப் பிரிவுகளுக்குத் தலைமை தாங்கிய sampat miten இடைக்கால CEO ஆக பொறுப்பேற்கிறார்.

குணால் ஷா

மும்பையில் பிறந்த குணால் ஷா, 12 ஆம் வகுப்பில் பெற்ற குறைந்த மதிப்பெண் காரணமாக வில்சன் கல்லூரியில் தத்துவம் பயின்றுள்ளார். 

குடும்ப சூழல் காரணமாக, இளம் வயதில் டெலிவரி ஊழியர், டேட்டா என்ட்ரி ஆபரேட்டர் உள்ளிட்ட பணிகளை செய்துள்ளார். 

Cursor தளத்தை வாங்கிய எலான் மஸ்க் - 25 வயதில் பில்லியனரான இந்திய வம்சாவளி அமன் சங்கர்

2010 ஆம் ஆண்டில், குணால் ஷா சந்தீப் டாண்டன் என்பவருடன் இனைந்து, Free Charge என்ற இந்திய நிதிச் சேவை நிறுவனத்தை உருவாக்கினார். 

இது பயனர்களை மின்சாரம், எரிவாயு மற்றும் தொலைபேசி போன்ற கட்டணங்களைச் செலுத்தவும், அத்துடன் மொபைல், பிராட்பேண்ட், டிடிஎச் மற்றும் மெட்ரோ அட்டைகளை ரீசார்ஜ் செய்யவும் அனுமதிக்கிறது. 

2015 ஆம் ஆண்டில் 400 மில்லியன் டொலருக்கு (இந்திய மதிப்பில் சுமார் ரூ.2800 கோடி) ரொக்கம் மற்றும் பங்குகள் மூலம் ஃப்ரீசார்ஜை Snap Deal கையகப்படுத்தியது.

இதனையடுத்து, 2018 ஆம் ஆண்டில் பெங்களூருவை தளமாக கொண்டு இயங்கும் CRED என்னும் நிதி சேவை நிறுவனத்தை உருவாக்கினார். 

கிரெடிட் கார்டு பயனர்களுக்கு சலுகை மற்றும் வெகுமதி வழங்கும் நிறுவனமாக தொடங்கப்பட்ட CRED, மூன்றே ஆண்டுகளில் யூனிகார்ன் அந்தஸ்தை பெற்றது.

கிரெட் 2020 முதல் 2023 வரை 4 ஆண்டுகளுக்கு ஐபிஎல் தொடரின் அதிகாரப்பூர்வ ஸ்பான்சராக இருந்தது.

கிரெட்டின் தலைமை பொறுப்பில் இருந்து குணால் ஷா விலகினாலும், அதன் பங்குதாரராக தொடர்கிறார்.