கவனம் ஈர்க்கும் பிரித்தானியாவின் முதல் பெண்மணி: அவர் அணிந்தது போன்ற உடைகளுக்கு முண்டியடிக்கும் மக்கள்

பிரதமர் கெய்ர் ஸ்டார்மரின் மனைவி விக்டோரியா பிரித்தானிய மக்களின் கவனத்தை ஈர்த்துள்ளதுடன், பிரதமர் அலுவலகத்தில் அவர் அணிந்து காணப்பட்ட உடைகள் மொத்தமாக விற்றுத் தீர்ந்துள்ளதாக தகவல் வெளியாகியுள்ளது.

கனவு கண்டிருக்க வாய்ப்பில்லை

பொது நிகழ்ச்சிகளில் அரிதாகவே கலந்து கொண்டு, தமது வேலையை மட்டுமே கவனித்து வந்தவர் நாட்டின் தற்போதைய முதல் பெண்மணி விக்டோரியா ஸ்டார்மர். இரண்டு பிள்ளைகளுக்கு தாயாரான அவர் சட்டத்தரணியாக இருந்து, பின்னர் தொழில்சார் சிகிச்சையாளராக மாறினார்.

ஒருநாள் தாம் பிரித்தானியாவின் முதல் பெண்மணியாக மாறுவோம் என அவர் கனவு கண்டிருக்க வாய்ப்பில்லை என்றே அவருக்கு நெருக்கமானவர்கள் கூறுகின்றனர்.

ஆனால் கெய்ர் ஸ்டார்மர் நாட்டின் புதிய பிரதமராக பொறுப்பேற்ற பின்னர், அந்த முதல் வாரத்தில் பிரித்தானிய மக்களின் கவனத்தை லேடி விக்டோரியா மொத்தமாக ஈர்த்துள்ளார் என்றே கூறுகின்றனர்.

தேர்தல் அன்று இரவு அவர் அணிந்திருந்த Me+Em நிறுவனத்தின் 295 பவுண்டுகள் மதிப்பிலான cropped cream jacket மொத்தமாக விற்றுத் தீர்ந்துள்ளது. அடுத்த நாள் ஸ்டார்மர் பிரதமராக தெரிவு செய்யப்பட, பிரதமர் இல்லம் புறப்பட்ட விக்டோரியா 275 பவுண்டுகள் மதிப்பிலான, மீண்டும் Me+Em நிறுவனத்தின் சிவப்பு நிற உடை ஒன்றை அணிந்திருந்தார்.

ஸ்டார்மர் பொறுப்பேற்றதன் பின்னர்

தற்போது அந்த உடையின், வெளியான அனைத்து வண்ணங்களிலும் விற்றுத்தீர்ந்துள்ளது. மட்டுமின்றி, 145 பவுண்டுகள் மதிப்பிலான Russell & Bromley silver slingbacks காலணியும் பெருமளவு விற்பனையாகி வருவதாக தகவல் வெளியாகியுள்ளது.

சனிக்கிழமை மீண்டும் Me+Em நிறுவனத்தின் பச்சை நிற உடை ஒன்றை அணிந்து காணப்பட்டார். திங்களன்றும், Me+Em நிறுவனத்தின் 105 பவுண்டுகள் மதிப்பிலான ரஃபிள் டிரிம் கொண்ட டெனிம் சட்டை அணிந்து காணப்பட்டார்.

புதன்கிழமை இரவு நேட்டோ கூட்டத்தில் கலந்துகொண்ட விக்டோரியா 320 பவுண்டுகள் மதிப்பிலான The Kooples நிறுவனத்தின் சிவப்பு நிற உடை ஒன்றை அணிந்திருந்தார்.

பிரித்தானிய பிரதமராக கெய்ர் ஸ்டார்மர் பொறுப்பேற்றதன் பின்னர், ஒருவார காலத்தில் அவர் கலந்துகொண்ட நிகழ்ச்சிகள் அனைத்திலும் லேடி விக்டோரியாவும் உடனிருந்தார்.

அந்த ஒரு வாரத்தில் லேடி விக்டோரியா அணிந்து காணப்பட்ட உடைகள் அனைத்தும் தற்போது விற்றுத் தீர்ந்துள்ளதாகவே கூறப்படுகிறது.