லங்காசிறி FM
PSL 2026: 69 ரன் வித்தியாசத்தில் லாகூர் அபார வெற்றி
ஹைதராபாத் கிங்ஸ்மென் அணிக்கு எதிரான பிஎஸ்எல் லீக் போட்டியில், லாகூர் கிளாண்டர்ஸ் 69 ஓட்டங்கள் வித்தியாசத்தில் வெற்றி பெற்றது.
ஃபஹ்கர் ஜமான் 53 ஓட்டங்கள்
கடாஃபி மைதானத்தில் நடந்த போட்டியில் லாகூர் கிளாண்டர்ஸ் முதலில் துடுப்பாடியது. ஃபஹ்கர் ஜமான் 39 பந்துகளில் 53 ஓட்டங்களும், ஹஸீபுல்லா கான் 28 பந்துகளில் 40 ஓட்டங்களும் விளாசினர்.
பின்னர் களமிறங்கிய ஹைதராபாத் கிங்ஸ்மென் அணியில் உஸ்மான் கான் 9 ஓட்டங்கள் எடுத்து ஆட்டமிழக்க, சைம் அயூப் 17 ஓட்டங்களில் வெளியேறினார்.
ஆல்அவுட்
அடுத்து வந்த வீரர்கள் ஒற்றை இலக்க ஓட்டத்தில் அவுட் ஆக, அணித்தலைவர் மார்னஸ் லபுசாக்னே 26 ஓட்டங்கள் எடுத்து ஆட்டமிழந்தார்.
ஹைதராபாத் அணியின் விக்கெட்டுகள் தொடர்ச்சியாக சரிந்து, 20 ஓவர்களில் 130 ஓட்டங்களுக்கு ஆல்அவுட் ஆனது.
உபைத் ஷா, சிக்கந்தர் ரஸா மற்றும் ஹாரிஸ் ராஃப் தலா 2 விக்கெட்டுகளும், ஷாஹீன் அப்ரிடி, முஸ்தபிசுர் ரஹ்மான் தலா ஒரு விக்கெட்டும் கைப்பற்றினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
