லங்காசிறி FM
நடிகர் விவேக் மகள் திருமணம்.., தந்தையின் நினைவாக விருந்தினர்களுக்கு கொடுத்த பரிசு
மறைந்த நகைச்சுவை நடிகர் விவேக்கின் இரண்டாவது மகள் தேஜஸ்வினிக்கு நேற்று திருமணம் நடைபெற்றது.
விவேக் மகள் திருமணம்
தமிழ் சினிமாவில் சின்னக்கலைவாணர் என ரசிகர்களால் கொண்டாடப்படுபவர் நடிகர் விவேக்.
கடந்த 2021ஆம் ஆண்டு கொரோனா காலக்கட்டத்தில், தடுப்பூசி செலுத்திக் கொண்ட அடுத்த நாள், மாரடைப்பு காரணமாக காலமானார்.
இந்நிலையில், இவரது இளைய மகள் தேஜஸ்வினி- பிரபு திருமணம் சென்னையில் உள்ள விவேக் இல்லத்தில் உறவினர்கள் முன்னிலையில் நேற்று நடந்தது.
பின்னர் நட்சத்திர ஹோட்டலில் நடைப்பெற்ற வரவேற்பு நிகழ்ச்சியில் திரையுலகைச் சேர்ந்த பிரபலங்கள் பலரும் கலந்து கொண்டு மணமக்களை வாழ்த்தினர்.
விருந்தினர்களுக்கு அளித்த பரிசு
நடிகர் விவேக் "க்ரீன் கலாம்" என்ற திட்டத்தின் மூலம் ஒருகோடி மரக்கன்றுகள் நடவேண்டும் என்பதைக் கனவாக வைத்து அதனை செயல்படுத்தி வந்தார்.
இந்நிலையில், அவரது மகள் தேஜஸ்வினி, தனது தந்தையின் நினைவாக, திருமணத்திற்கு வந்த விருந்தினர்களுக்கு மரக்கன்றுகள், மூலிகை பூச்செடிகளைக் கொடுத்து நெகிழ வைத்துள்ளனர்.
நடிகர் விவேக்கிற்கு மொத்தம் மூன்று பிள்ளைகள் அதில் அவரது மகன் பிரசன்ன குமார் கடந்த 2015ஆம் ஆண்டு டெங்கு மற்றும் மூளைக் காய்ச்சல் காரணமாக உயிரிழந்தார்.
விவேக்கின் மூத்த மகள் அமிர்த நந்தினி ஆர்க்கிட்டெக்ட்டாக உள்ளார். இரண்டாவது மகள் தேஜஸ்வினி, பிரபல வங்கி ஒன்றில் பணிபுரிந்து வருகிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
