வார்த்தைகளால் விவரிக்க முடியாத சோகம்.. தஞ்சை தேர் விபத்து: தலைவர்கள் இரங்கல்

தமிழகத்தின் தஞ்சாவூர் அருகே தேர்திருவிழாவின் போது மின்சாரம் பாய்ந்ததில் 11 பேர் உயிரிழந்த சம்பவத்திற்கு பிரதமர், ஜனாதிபதி உள்ளிட்ட இரங்கல் தெரிவித்துள்ளனர்.

இந்த விபத்தில் 11 பேர் உயிரிழந்த நிலையில், 10க்கும் மேற்பட்டோர் படுகாயமடைந்தனர். இந்த நிலையில் மின்சாரம் பாய்ந்து உயிரிழந்தவர்களின் குடும்பத்திற்கு பிரதமர் மோடி இரங்கல் தெரிவித்துள்ளார்.

இதுதொடர்பாக தனது ட்விட்டர் அவர் வெளியிட்டுள்ள பதிவில், 'தமிழ்நாட்டின் தஞ்சையில் தேர் திருவிழாவின் போது மின்சாரம் பாய்ந்து 11 பேர் உயிரிழந்த சம்பவத்தால் மிகுந்த மனவேதனையடைந்தேன். இந்த துக்கமான சமயத்தில் உறவுகளை இழந்த குடும்பத்தினருடன் எனது எண்ணங்கள் உள்ளது. காயமடைந்தவர்கள் விரைவில் குணமடைவார்கள் என நம்புகிறேன்.

Deeply pained by the mishap in Thanjavur, Tamil Nadu. My thoughts are with the bereaved families in this hour of grief. I hope those injured recover soon: PM @narendramodi

— PMO India (@PMOIndia) April 27, 2022

மின்சாரம் பாய்ந்து உயிரிழந்தவர்களின் குடும்பத்தினருக்கு, தலா 2 லட்ச ரூபாய் பிரதமரின் தேசிய நிவாரண நிதியில் இருந்து வழங்கப்படும். காயமடைந்தவர்களுக்கு தலா 50 ஆயிரம் ரூபாய் நிவாரணமாக வழங்கப்படும்' என தெரிவித்துள்ளார்.

Rs. 2 lakh each from PMNRF would be given to the next of kin of those who have lost their lives due to the mishap in Thanjavur, Tamil Nadu. The injured would be given Rs. 50,000: PM @narendramodi

— PMO India (@PMOIndia) April 27, 2022

அதேபோல் ஜனாதிபதி ராம்நாத் கோவிந்த் தெரிவித்துள்ள இரங்கல் பதிவில், 'தஞ்சையில் தேர் திருவிழாவில் மின்சாரம் பாய்ந்து குழந்தைகள் உள்பட பலர் உயிரிழந்துள்ள சம்பவம் வார்த்தைகளால் விவரிக்கமுடியாத சோகம். உயிரிழந்தவர்களின் குடும்பத்தினருக்கு எனது ஆழ்ந்த இரங்களை தெரிவித்துக்கொள்கிறேன். காயமடைந்தவர்கள் விரைவில் குணமடைய பிரார்த்திக்கிறேன்’ என தெரிவித்துள்ளார்.  

The loss of life, including that of children, due to electrocution in a procession in Thanjavur is a tragedy beyond words. My deepest condolences to the bereaved families. I pray for the speedy recovery of the injured.

— President of India (@rashtrapatibhvn) April 27, 2022