லங்காசிறி FM
8 சிக்ஸர்களுடன் 53 பந்தில் 101 விளாசிய இளம் வீரர்: நமீபியாவிடம் போராடி தென் ஆப்பிரிக்கா வெற்றி
South africa beat namibia by 11 runs: நமீபியா அணிக்கு எதிரான டி20 போட்டியில் தென் ஆப்பிரிக்கா 11 ஓட்டங்கள் வித்தியாசத்தில் வெற்றி பெற்றது.
முத்தரப்பு டி20 தொடரின் 6வது போட்டியில் தென் ஆப்பிரிக்க அணி 11 ஓட்டங்கள் வித்தியாசத்தில் நமீபியாவை வீழ்த்தியது.
தொடக்க வீரர்கள் ருத்ரதாண்டவம்
தென் ஆப்பிரிக்கா மற்றும் நமீபியா அணிகளுக்கு இடையிலான முத்தரப்பு டி20 போட்டி Windhoek-யில் நடந்தது.
முதலில் ஆடிய தென் ஆப்பிரிக்க அணியில் தொடக்க வீரர்கள் ருத்ரதாண்டவம் ஆடினர். கோன்னோர் எஸ்தர்ஹுய்ஸன் (Connor Esterhuizen) 40 பந்துகளில் 8 சிக்ஸர், 6 பவுண்டரிகளுடன் 88 ஓட்டங்கள் விளாசி ஆட்டமிழந்தார்.
கடைசி ஓவர் வரை களத்தில் நின்ற லுவான்-ட்ரே பிரிட்டோரியஸ், 53 பந்துகளில் 8 சிக்ஸர் மற்றும் 5 பவுண்டரிகளுடன் 101 ஓட்டங்கள் விளாசினார்.
தென் ஆப்பிரிக்கா வெற்றி
இதன்மூலம் தென் ஆப்பிரிக்க அணி 228 ஓட்டங்கள் குவித்தது. ஜென் பால்ட் 2 விக்கெட்டுகள் வீழ்த்தினார். பின்னர் ஆடிய நமீபிய அணியில் ஸ்டீன்கேம்ப், ஃப்ரைலிங்க் ஆகியோர் தென் ஆப்பிரிக்க அணிக்கு கடுமையான நெருக்கடி கொடுத்தனர்.
எனினும் கடைசி ஓவரை மோகோயெனா (Mokoena) சிறப்பாக வீச, நமீபியா 3 விக்கெட்டுகள் இழப்பிற்கு 217 ஓட்டங்கள் எடுக்க தென் ஆப்பிரிக்க அணி 11 ஓட்டங்கள் வித்தியாசத்தில் வெற்றி பெற்றது.
ஜென் ஃப்ரைலிங்க் (Jan Frylinck) 36 பந்துகளில் 5 சிக்ஸர், 6 பவுண்டரிகளுடன் 72 ஓட்டங்களும், லௌரன் ஸ்டீன்கேம்ப் (Louren Steenkamp) 44 பந்துகளில் 61 ஓட்டங்களும் (3 சிக்ஸர், 5 பவுண்டரிகள்) விளாசினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
