லங்காசிறி FM
20 வயது வீரர் சிக்ஸர்மழை! The Hundred-யில் முதல் அரைசதம்..28 பந்தில் 64 ஓட்டங்கள் விளாசல்
The Hundred போட்டியில் லண்டன் ஸ்பிரிட் அணி 7 விக்கெட்டுகள் வித்தியாசத்தில் MI லண்டனை வீழ்த்தியது.
வில் ஜேக்ஸ் அபாரம்
கென்னிங்டன் ஓவல் மைதானத்தில் நடந்த The Hundred போட்டியில் லண்டன் ஸ்பிரிட் மற்றும் MI லண்டன் அணிகள் மோதின.
THIS IS SPECIAL 🤩
— The Hundred (@thehundred) July 29, 2026
20-year-old Lhuan-dre Pretorius reaches his first fifty in #TheHundred pic.twitter.com/Zl6vw06M5s
முதலில் ஆடிய MI லண்டன் அணி 5 விக்கெட்டுகள் இழப்பிற்கு 164 ஓட்டங்கள் குவித்தது.
வில் ஜேக்ஸ் 44 பந்துகளில் 65 ஓட்டங்களும் (2 சிக்ஸர், 8 பவுண்டரிகள்), ஷெர்பானே ரூதர்ஃபோர்டு 19 பந்துகளில் 41 ஓட்டங்களும் (4 சிக்ஸர், 2 பவுண்டரிகள்) விளாசினர். ஜேமி ஓவர்டன் 3 விக்கெட்டுகளும், ஆன்ட்ரூ டை மற்றும் ஜேம்ஸ் கோல்ஸ் தலா ஒரு விக்கெட்டும் வீழ்த்தினர்.
லுவான்-ட்ரே பிரிட்டோரியஸ் வாணவேடிக்கை
பின்னர் ஆடிய லண்டன் ஸ்பிரிட் அணியில் பேர்ஸ்டோவ் 23 ஓட்டங்கள் எடுத்து ஆட்டமிழக்க, 20 வயது இளம் வீரர் லுவான்-ட்ரே பிரிட்டோரியஸ் வாணவேடிக்கை காட்ட அணியின் ஸ்கோர் மளமளவென உயர்ந்தது.
அணியின் ஸ்கோர் 101 ஆக உயர்ந்தபோது, 28 பந்துகளில் 7 சிக்ஸர்களுடன் 64 ஓட்டங்கள் விளாசியிருந்த பிரிட்டோரியஸ் ஆட்டமிழந்தார்.
அடுத்து வந்த லிவிங்ஸ்டன் 16 ஓட்டங்களில் ஆட்டமிழக்க, ஜேம்ஸ் ரேவ் மற்றும் டெவால்ட் பிரேவிஸ் கூட்டணி அணியை வெற்றி பெற வைத்தது.
பிரேவிஸ் 37 (18) ஓட்டங்களும், ரேவ் 19 (13) ஓட்டங்களும் விளாச, லண்டன் ஸ்பிரிட் அணி 89 பந்துகளில் இலக்கினை எட்டியது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
