தொலைக்காட்சித் தொடராகும் மேக்ரான் மனைவியின் வாழ்க்கை

பிரான்ஸ் ஜனாதிபதி இமானுவல் மேக்ரானின் மனைவியின் வாழ்க்கை தொடர்பான தொலைக்காட்சித் தொடர் ஒன்று தயாராகிவருவதாக ஒரு செய்தி வெளியாகியுள்ளது.

ஒரு வித்தியாசமான காதல் கதை

பிரான்ஸ் ஜனாதிபதி இமானுவல் மேக்ரான், தன்னைவிட 24 வயது மூத்த பெண்ணுடன் காதலில் விழுந்தபோது, அவருக்கு வயது 15, அவரது காதலியும் தற்போதைய மனைவியுமான பிரிஜிட் மேக்ரானுக்கு வயது 40.

மேக்ரானுடைய நாடக ஆசிரியையாக இருந்த பிரிஜிட்டிடம் மேக்ரான் தனது காதலை வெளிப்படுத்தியபோது, பிரிஜிட்டின் மகளான லாரன்ஸ் அவரது வகுப்பில் அவருடன் படித்தார்.

அதாவது, அப்போதே பிரிஜிட்டுக்கு திருமணமாகி மூன்று பிள்ளைகள் இருந்தார்கள். அவருடைய மூத்த மகன், மேக்ரானைவிட இரண்டு வயது மூத்தவர்.

Screenshot France 3 

Screenshot France 3 

View this post on Instagram

A post shared by Emmanuel Macron (@fanofmacron)

 பிரிஜிட்டின் கணவர் பெயர் André-Louis Auzière. மேக்ரானை சந்தித்து சுமார் 10 ஆண்டுகள் கழித்து தனது கணவரை விவாகரத்து செய்த பிரிஜிட், அடுத்த ஆண்டு, அதாவது 2007ஆம் ஆண்டு மேக்ரானை திருமணம் செய்துகொண்டார்.

இன்னும் காதலுடன் தங்கள் வாழ்வைத் தொடரும் மேக்ரான் பிரிஜிட் தம்பதியருக்கு பிள்ளைகள் இல்லை. தன் மனைவி பிரிஜிட்டின் பிள்ளைகளுக்கு வளர்ப்புத் தந்தையாக இருக்கும் மேக்ரானுக்கு, அவர்கள் மூலமாக ஏழு பேரப்பிள்ளைகள் இருக்கிறார்கள்.

தொலைக்காட்சித் தொடராகும் மேக்ரான் மனைவியின் வாழ்க்கை

இந்நிலையில், பிரிஜிட் மேக்ரானின் கதை, தொலைக்காட்சித் தொடராக உள்ளது. Gaumont என்னும் நிறுவனம் பிரிஜிட்டின் வாழ்க்கையை ஆறு பகுதிகள் கொண்ட தொலைக்காட்சித் தொடராக தயாரிக்க உள்ளதாக தெரிவித்துள்ளது.

இந்நிலையில், இந்த விடயம் குறித்து, தான் ஊடகம் வாயிலாகத்தான் தெரிந்துகொண்டதாக பிரிஜிட் தெரிவித்ததாக அவருக்கு நெருக்கமான ஒருவர் குறிப்பிட்டுள்ளார்.

அத்துடன், அந்த தொலைக்காட்சித் தொடரின் தயாரிப்புக்கும் தங்களுக்கும் தொடர்பில்லை என்றும் பிரிஜிட் தரப்பில் தெரிவிக்கப்பட்டுள்ளது.