லங்காசிறி FM
மெஸ்ஸியின் ரசிகர்களுக்கு காத்திருக்கும் விருந்து! ரொனால்டோ காதலியை விட அதிக தொகைக்கு ஒப்பந்தம்!
நட்சத்திர கால்பந்து வீரர் லியோனல் மெஸ்ஸி (Lionel Messi), கிறிஸ்டியானோ ரொனால்டோ (Cristiano Ronaldo) மற்றும் அவரது காதலி ஜார்ஜினா ரோட்ரிக்ஸ் (Georgina Rodriguez) ஆகியோரின் ஒப்பந்தத்தை முறியடிக்கும் ஒரு நெட்ஃபிக்ஸ் ஒப்பந்தத்தை பெற தயாராக உள்ளதாக்க தகவல்கள் தெரிவிக்கின்றன.
மெஸ்ஸியின் புதிய நெட்ஃபிக்ஸ் அனிமேஷன் தொடர்
2022 FIFA உலகக் கோப்பையில் அர்ஜென்டினாவை வெற்றிக்கு அழைத்துச் சென்ற பிறகு, புதிய நெட்ஃபிக்ஸ் அனிமேஷன் தொடரின் மூலம் லியோனல் மெஸ்ஸி சிறிய திரையில் அறிமுகமாகவுள்ளதாக கூறப்படுகிறது.
லியோனல் மெஸ்ஸி ஒரு புதிய நெட்ஃபிக்ஸ் அனிமேஷன் தொடரில் இடம்பெறுவர் என்று எதிர்பார்க்கப்படுகிறது. இது அர்ஜென்டினா கால்பந்து ஜாம்பவான் தயாரிக்கும் மூன்றாவது ஓடியோ-விஷுவல் ஒப்பந்தமாக இருக்கும்.
EPA,AFP
ரொனால்டோவின் காதலில் ஜார்ஜினா ரோட்ரிக்ஸ் ஒப்பந்தம்
கிறிஸ்டியானோ ரொனால்டோவின் காதலில் ஜார்ஜினா ரோட்ரிக்ஸ் தனது வாழ்க்கைக் கதையை ஒரு புதிய நெட்ஃபிக்ஸ் நிகழ்ச்சி மூலம் பகிர்ந்து கொள்ள ஒப்பந்தத்தை மேற்கொண்ட பிறகு இப்படியொரு தகவல் வெளியாகியுள்ளது.
ஜார்ஜினா தனது நிஜ வாழ்க்கையை அடிப்படையாகக் கொண்ட தொடருக்காக நெட்ஃபிக்ஸ் நிறுவனத்துடன் 10 மில்லியன் யூரோ ஒப்பந்தம் செய்தார்.
15 மில்லியன் யூரோ
இப்போது, ரொனால்டோவின் போட்டியாளரான லியோனல் மெஸ்ஸி, முன்னாள் காதலியின் ஒப்பந்தத்தை விட 50 சதவிகிதம் அதிகமாக ஒப்பந்தத்தில் இறங்குவார் என்று எதிர்பார்க்கப்படுகிறது.
Getty Images
லியோனல் மெஸ்ஸியின் அனிமேஷன் செய்யப்பட்ட நெட்ஃபிக்ஸ் தொடர் அவரது கால்ப்பந்தாட்ட வாழ்க்கை மற்றும் தனிப்பட்ட வாழ்க்கையை அடிப்படையாகக் கொண்டது மற்றும் பல தலைப்புகளை உள்ளடக்கும் என்று எதிர்பார்க்கப்படுகிறது. இறுதித் தொகை இன்னும் வெளியிடப்படவில்லை என்றாலும், இறுதி ஒப்பந்தம் 15 மில்லியன் யூரோவாக இருக்கும் என்று எதிர்பார்க்கப்படுகிறது. இது இலங்கை பணமதிப்பில் சுமார் ரூ.550 கோடியாகும்.
மெஸ்ஸி ரசிகர்களுக்கு விருந்தாக
மெஸ்ஸியின் நெட்ஃபிக்ஸ் ஒப்பந்தம் கிறிஸ்டியானோ ரொனால்டோவின் காதலி ஜார்ஜினா ரோட்ரிகஸ் போட்டதை விட அதிகமாக இருப்பதற்கான முக்கிய காரணங்களில் ஒன்று, 2022 FIFA உலகக் கோப்பையின் போது அர்ஜென்டினாவை வெற்றிக்கு அழைத்துச் சென்ற அவரது தனிப்பட்ட செயல்திறன் தான் என்பது குறிப்பிடத்தக்கது.
Getty Images
இந்த நெட்ஃபிக்ஸ் தொடர் மெஸ்ஸி ரசிகர்களுக்கு விருந்தாக இருக்கும் என எதிர்பார்க்கப்படுகிறது, ஏனெனில் இது பார்வையாளர்களுக்கு அவரது வாழ்க்கையையும், அவர் எப்படி புகழ் பெற்றார் என்பதையும் ஒரு கண்ணோட்டத்தை கொடுக்கும். அவரது நெட்ஃபிக்ஸ் தொடரில் மெஸ்ஸி அனிமேஷன் கதாபாத்திரத்திற்கு குரல் கொடுப்பாரா என்பது இன்னும் உறுதிப்படுத்தப்படவில்லை.
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
காரைநகர் வலந்தலை, காரைநகர், Birmingham, United Kingdom, Croydon, United Kingdom
21 Jan, 2026
