லங்காசிறி FM
பத்திரனா உட்பட விலையுயர்ந்த வீரர்களை கழற்றிவிட்ட அணிகள்
Sivaraj
in கிரிக்கெட்
ஐபிஎல் 2026 மினி ஏலத்திற்கு முன்பாக பல அணிகள் எந்தெந்த முக்கிய வீரர்களை விடுவித்துள்ளன என்று பார்ப்போம்.
மதீஷா பத்திரனா
சென்னை சூப்பர் கிங்ஸ் அணியின் முக்கிய வீரரான மதீஷா பத்திரனா (Matheesha Pathirana) விடுவிக்கப்பட்டது ரசிகர்களுக்கு அதிர்ச்சியை ஏற்படுத்தியுள்ளது. 
ரூ.13 கோடிக்கு விடுவிக்கப்பட்ட பத்திரனா, டெத் ஓவர்களில் மிரட்டலாக பந்துவீசக்கூடியவர் ஆவார். அத்துடன் சென்னை அணியின் பல வெற்றிகளுக்கு இவர் முக்கிய காரணமாக அமைந்துள்ளார்.
இவர் 32 ஐபிஎல் போட்டிகளில் 47 விக்கெட்டுகளைக் கைப்பற்றியுள்ளார். இவரது சிறந்த பந்துவீச்சு 4/28 ஆகும்.
டேவிட் மில்லர்
கில்லர் மில்லர் என்று ரசிகர்களால் அழைக்கப்படும் டேவிட் மில்லரை (David Miller) லக்னோ அணி ரூ.7.50 கோடிக்கு விடுவித்துள்ளது.
இதற்கு காரணம் சிறந்த ஃபினிஷரான மில்லர், கடந்த சீசனில் மோசமான ஆட்டத்தையே வெளிப்படுத்தினார். 
தென் ஆப்பிரிக்காவைச் சேர்ந்த மில்லர், 141 போட்டிகளில் ஒரு சதம் மற்றும் 13 அரைசதங்களுடன் 3077 ஓட்டங்கள் குவித்துள்ளார்.
டெவோன் கான்வே
சென்னை சூப்பர் கிங்ஸ் அணியின் நம்பகமான தொடக்க வீரராக இருந்தவர் டெவோன் கான்வே (Devon Conway).
ஆனால், கடந்த சீசனில் நீண்ட காயம் காரணமாக குறைவான போட்டிகளிலேயே விளையாடினார். அதிலும் கூட அவர் பெரிதாக சோபிக்கவில்லை. 
எனவே சென்னை அணி அவரை ரூ.6.25 கோடிக்கு விடுவித்து, புதிய டாப் ஆர்டரை உருவாக்கும் முடிவை எடுத்துள்ளது.
இவர் 29 போட்டிகளில் விளையாடி, 11 அரைசதங்களுடன் 1080 ஓட்டங்கள் எடுத்துள்ளார். இதில் அதிகபட்சம் 92 ஆகும்.
ஆண்ட்ரே ரஸல்
மேற்கிந்திய தீவுகளின் ஆண்ட்ரே ரஸல் கொல்கத்தா நைட் ரைடர்ஸ் அணிக்காக பல வெற்றிகளை பெற்று தந்துள்ளார்.
அதிரடி துடுப்பாட்டம் மட்டுமின்றி, பந்துவீச்சில் விக்கெட்டுகளையும் வீழ்த்தக்கூடியவர் ரஸல். ஆனால், கொல்கத்தா அணி அவரை ரூ.12 கோடிக்கு விடுவித்துள்ளது.
இவர் 139 போட்டிகளில் 2651 ஓட்டங்கள் மற்றும் 123 விக்கெட்டுகள் எடுத்துள்ளார். 
ரவி பிஷ்னோய்
லக்னோ அணி சுழற்பந்துவீச்சாளர் ரவி பிஷ்னோயினை ரூ.11 கோடிக்கு விடுத்துள்ளது ரசிகர்களுக்கு அதிர்ச்சி அளித்துள்ளது.
ஏனெனில் அந்த அணியின் முக்கிய சுழற்பந்து வீச்சாளர் இவர்தான். பிஷ்னோய் 77 போட்டிகளில் 72 விக்கெட்டுகளை வீழ்த்தியுள்ளார். 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சங்கானை, யாழ்ப்பாணம், திருநெல்வேலி, கட்டுவன், முன்சன், Germany, Toronto, Canada, Peterborough, Canada
07 Dec, 2021
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
அனலைதீவு 3ம் வட்டாரம், சங்கானை, யாழ்ப்பாணம், Scarborough, Canada
27 Nov, 2025
புங்குடுதீவு 2ம் வட்டாரம், புங்குடுதீவு 10ம் வட்டாரம், St. Gallen, Switzerland
03 Dec, 2025
கரம்பொன் மேற்கு, ஊர்காவற்துறை, கொழும்பு, வவுனியா, Southall, United Kingdom, East Ham, United Kingdom
30 Nov, 2025
துன்னாலை, கிளிநொச்சி, நெதர்லாந்து, Netherlands, London End, United Kingdom
04 Dec, 2018
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
