இந்தியாவை உலுக்கிய விமான விபத்துகளும் உயிரிழந்த பிரபலங்களும்

விமான விபத்தில் உயிரிழந்த இந்திய பிரபலங்கள் குறித்து இந்த பதிவில் காணலாம். 

ஏர் இந்தியா விமான விபத்து

குஜராத் மாநிலம் அகமதாபாத்தில் இருந்து லண்டன் நோக்கி நேற்று முன்தினம் புறப்பட்ட ஏர் இந்தியா விமானம், புறப்பட்ட சில நிமிடங்களில், மேகானி நகரில் இருந்த பிஜே மருத்துவக் கல்லூரி விடுதியின் கட்டடத்தில் விழுந்து விபத்தை சந்தித்தது.

இந்த விமானத்தில், பயணிகள் விமான ஊழியர்கள் உட்பட 242 பேர் பயணித்த நிலையில், விஷ்வாஸ் குமார் என்பவர் மட்டும் உயிர் பிழைக்க, குஜராத் முன்னாள் முதல்வர் விஜய் ரூபானி உட்பட 241 பேர் உயிரிழந்தனர். 

[PB3OXIQ

இந்தியாவில் இதற்கு முன்னர் பலமுறை விமான மற்றும் ஹெலிகாப்டர் விபத்துகள் நடந்துள்ளன. இதில் அரசியல் தலைவர்கள், சினிமா துறையினர் உள்ளிட்ட பிரபலங்கள் பலரும் உயிரிழந்துள்ளனர்.

பல்வந்த்ராய் மேத்தா

குஜராத்தின் 2வது முதலமைச்சர் பல்வந்த்ராய் மேத்தா, 1965 போரின் போது, ​​பாகிஸ்தான் விமானப்படை ஜெட் விமானம் தவறுதலாக அவரது சிவிலியன் விமானத்தை சுட்டு வீழ்த்தியதில் உயிரிழந்தார். அவர் இந்தியா-பாகிஸ்தான் எல்லைக்கு அருகே அதிகாரப்பூர்வ பயணமாக சென்றிருந்தார்.

ஹோமி பாபா

இந்தியா அணுசக்தி துரையின் தந்தையாக கருதப்பட்ட ஹோமி பாபா, 1966 ஆம் ஆண்டு ஜெனீவாவில் ஒரு மாநாட்டிற்கு சென்று கொண்டிருந்தபோது, பிரான்சின் மான்ட் பிளாங் மறைப்பகுதியில் அவர் சென்ற ஏர் இந்தியா விமானம் விபத்துக்குள்ளானதில் உயிரிழந்தார்.

மோகன் குமாரமங்கலம்

மதராஸ் மாகாணத்தின் முதலமைச்சராக இருந்த பி.சுப்பராயனின் மகனும், முன்னாள் மத்திய அமைச்சருமான மோகன் குமாரமங்கலம், 1973 ஆம் ஆண்டு டெல்லியில் இந்தியன் ஏர்லைன்ஸ் விமான விபத்தில் உயிரிழந்தார். 

இவரது பேரன் முக்தேஷ் முகர்ஜி மற்றும் அவரது மனைவி சியாவோமாவோ பாய் ஆகியோர், 2014 ஆம் ஆண்டு காணாமல் போன மலேசியா ஏர்லைன்ஸ் விமானம் 370 இல் இருந்த 2 கனேடிய பயணிகளில் அடங்குவர்.

ராணி சந்திரா

தமிழ் மற்றும் மலையாள படங்களில் நடித்துவரும், மிஸ் கேரளாவுமான ராணி சந்திரா, 1976 ஆம் ஆண்டு நடைபெற்ற இந்தியன் ஏர்லைன்ஸ் விமான விபத்தில் உயிரிழந்தார்.

சஞ்சய் காந்தி

முன்னாள் பிரதமர் இந்திரா காந்தியின் அரசியல் வாரிசாக கருதப்பட்ட அவரது இளைய மகன் சஞ்சய் காந்தி, கடந்த 1980 ஆம் ஆண்டு ஜூன் 23 ஆம் திகதி, குட்டி விமானத்தில் சாகசத்தில் ஈடுபட்ட போது, விபத்தை சந்தித்து, தனது 33 வயதில் உயிரிழந்தார்.

என்.வி.என் சோமு

திமுகவை சேர்ந்த என்.வி.என் சோமு, மத்திய பாதுகாப்புத்துறை இணையமைச்சராக பதவி வகித்தார். 1997 ஆம் ஆண்டு நவம்பர் 14 ஆம் திகதி, ராணுவ முகாமிற்கு ஹெலிகாப்டரில் சென்றபோது நடந்த விமான விபத்தில் சிக்கி உயிரிழந்தார்.

இவரது மகள் கனிமொழி சோமு தற்போது திமுக ராஜ்யசபா எம்.பியாக உள்ளார்.

மாதவ்ராவ் சிந்தியா

குவாலியர் அரச குடும்பத்தை சேர்ந்தவரும், முன்னாள் மத்திய ரயில்வே அமைச்சருமான மாதவ்ராவ் சிந்தியா, 2001 ஆம் ஆண்டு பேரணி ஒன்றில் உரையாற்றுவதற்காக தனி விமானத்தில் சென்ற போது, விமான விபத்தை சந்தித்து, அதில் உயிரிழந்தார்.

ஜிஎம்சி பாலயோகி

அப்போதைய மக்களவை சபாநாயகரும் தெலுங்கு தேசம் கட்சி (TDP) தலைவருமான ஜிஎம்சி பாலயோகி , மார்ச் 3, 2002 அன்று ஆந்திரப் பிரதேசத்தின் மேற்கு கோதாவரி மாவட்டத்தில் நடந்த நடுவானில் ஹெலிகாப்டர் ஏற்பட்ட கோளாறால், ஹெலிகாப்டர் விபத்தில் உயிரிழந்தார்.

சௌந்தர்யா

தென்னிந்தியாவின் பிரபல நடிகையான சௌந்தர்யா, 2004 ஆம் ஆண்டு பாஜகவிற்கு ஆதரவாக பிரச்சாரம் செய்ய பெங்களூருவில் இருந்து கரீம் நகருக்கு தனது சகோதரருடன் பயணித்தார். 2 மாத கர்ப்பமாக இருந்த அவர், விமானம் வெடித்து சிதறிய விபத்தில் பரிதாபமாக உயிரிழந்தார். 

விமான விபத்து குறித்து முன்னாள் மனைவிக்காக பதிவிட்ட தமிழ்ப்பட நடிகர்

ஓ.பி.ஜிண்டால் மற்றும் சுரேந்தர் சிங்

பிரபல தொழிலதிபரும், ஹரியானா மாநில முன்னாள்அமைச்சருமான ஓ.பி. ஜிண்டால், முன்னாள் மத்திய அமைச்சர் சுரேந்தர் சிங்குடன் (முன்னாள் ஜனாதிபதி சங்கர் தயாள் சர்மாவின் மகன்) மார்ச் 31, 2005 அன்று உத்தரபிரதேசத்தின் சஹரன்பூரில் நடந்த ஹெலிகாப்டர் விபத்தில் உயிரிழந்தனர். 

இந்தியாவில் இதுவரை நடந்த மோசமான 10 விமான விபத்துகள்

ஒய்.எஸ். ராஜசேகர ரெட்டி

ஆந்திரப் பிரதேசத்தின் அப்போதைய முதல்வராக இருந்த ஒய்.எஸ். ராஜசேகர ரெட்டி, செப்டம்பர் 2, 2009 அன்று நல்லமலா மலைகளில் நடந்த ஹெலிகாப்டர் விபத்தில் உயிரிழந்தார்.

டோர்ஜி காண்டு

அருணாச்சலப் பிரதேசத்தின் அப்போதைய முதல்வராக இருந்த டோர்ஜி காண்டு, ஏப்ரல் 30, 2011 அன்று சீன எல்லைக்கு அருகிலுள்ள ஒரு தொலைதூரப் பகுதியில் தனது பவன் ஹான்ஸ் ஹெலிகாப்டர் விபத்துக்குள்ளானதில் இறந்தார். 5 நாட்களுக்குப் பிறகு இடிபாடுகளில் அவரது உடல் கண்டுபிடிக்கப்பட்டது.

பிபின் ராவத்

இந்தியாவின் முப்படை தளபதியாக இருந்த பிபின் ராவத், டிசம்பர் 8, 2021 அன்று குன்னூரில் விமானப்படைக்கு சொந்தமான ஹெலிகாப்டர் ஒன்றில் பயணம் செய்தபோது நடந்த விபத்தில் உயிரிழந்தார்.