சுவிட்சர்லாந்தை வந்தடைந்த 'Little Amal': பெற்றோரைப் பிரிந்த இளம் அகதிகளை நினைவுகூரும் ஒரு நிகழ்வு

Switzerland Geneva

By Balamanuvelan Sep 29, 2021 07:15 AM GMT

Balamanuvelan

in சுவிட்சர்லாந்து

Report

சுவிட்சர்லாந்தின் ஜெனீவாவை வந்தடைந்திருக்கிறாள் குட்டிப்பெண் Little Amal.

Little Amal யாரென்று உங்களுக்குத் தெரியுமா?

Little Amalக்கு 9 வயதாகிறது. அவள் சிரியாவின் Aleppoவைச் சேர்ந்த ஒரு அகதி. சிரிய துருக்கி எல்லையிலிருந்து, அவள் பிரித்தானியாவின் மான்செஸ்டரை நோக்கி 8,000 கிலோமீற்றர்கள் நடந்தே பயணிக்கிறாள் அவள்.

அகதிக் குழந்தையான அவள், தன் பெற்றோரை தவறவிட்டுவிட்டாள். அவர்களைத் தேடி நாடு நாடாக பயணம் செய்துவருகிறாள் Little Amal. போகும் இடமெல்லாம் குழந்தைகள் அவளை ஆவலாக வரவேற்கிறார்கள். அவளுக்காக நடனம் ஆடுகிறார்கள், அவளது கைகளை ஆவலாக தொட்டுப் பார்க்கிறார்கள்.

சுவிட்சர்லாந்தை வந்தடைந்த

(உண்மையில் Little Amal என்பது மூன்றரை மீற்றர் உயரமுள்ள ஒரு பொம்மை. பெற்றோரைப் பிரிந்த அகதிக் குழந்தைகளின் அவல நிலையை விளக்குவதற்காக உருவாக்கப்பட்ட பொம்மை அது.)

சரி, விடயத்திற்கு வருவோம். இப்போது Little Amal ஜெனீவாவிற்கு வந்திருக்கிறாள். நேற்று ஐக்கிய நாடுகள் சபையைப் பார்த்துவிட்டு, ஜெனீவா ஏரியின் கரை வழியாக தன் நடை பயணத்தைத் தொடர்ந்தாள் அவள்.

இன்று அவள் CERN ஆய்வகத்தைக் கடக்க இருக்கிறாள்.

இந்த நடை பயணத்தை ஏற்பாடு செய்துள்ளது, பிரித்தானிய தொண்டு நிறுவனமான Good Chance என்பது குறிப்பிடத்தக்கது.

சுவிட்சர்லாந்தை வந்தடைந்த