லிஸ் ட்ரஸ் அமைச்சரவையில் யார் யாருக்கு வாய்ப்பு? வெளிவரும் பட்டியல்
ரிஷி சுனக் மற்றும் லிஸ் ட்ரஸ் ஆகிய இருவரில் ஒருவரை நாட்டின் புதிய பிரதமராக
லிஸ் ட்ரஸ் அமைச்சரவையில் யார் யாருக்கு வாய்ப்பு கிடைக்கலாம் என்ற உத்தேசப் பட்டியல்
பிரித்தானியாவின் புதிய பிரதமராக கன்சர்வேடிவ் கட்சியின் லிஸ் ட்ரஸ் தெரிவாக அதிக வாய்ப்பிருக்கும் நிலையில், அவரது அமைச்சரவையில் யார் யாருக்கு வாய்ப்பு அளிக்கப்படும் என்ற உத்தேசப் பட்டியல் வெளியாகியுள்ளது.
@getty
பிரித்தானிய பிரதமராக போரிஸ் ஜோன்சன் பதவியை துறந்துள்ளதை அடுத்து, கன்சர்வேடிவ் கட்சி தேர்தலை அறிவித்தது. இதில் பத்துக்கும் மேற்பட்டவர்கள் போட்டியிட, இறுதியில் ரிஷி சுனக் மற்றும் லிஸ் ட்ரஸ் ஆகிய இருவரில் ஒருவரை நாட்டின் புதிய பிரதமராக கன்சர்வேடிவ் கட்சி திங்கட்கிழமை அறிவிக்க இருக்கிறது.
இந்த நிலையில், கருத்துக்கணிப்புகளில் முன்னணியில் இருக்கும் லிஸ் ட்ரஸ் புதிய பிரதமராக அறிவிக்கப்படுவார் என்றே கூறப்படுகிறது. தற்போதைய போரிஸ் ஜோன்சன் அமைச்சரவையில் வெளிவிவகார அமைச்சராக செயல்பட்டுவரும் லிஸ் ட்ரஸ், தாம் பிரதமராக தெரிவானால் மக்கள் நலன் சார்ந்த முக்கிய முடிவுகளை உடனடியாக அறிவிக்க இருப்பதாக தெரிவித்துள்ளார்.
@getty
இந்த நிலையில் லிஸ் ட்ரஸ் அமைச்சரவையில் யார் யாருக்கு வாய்ப்பு கிடைக்கலாம் என்ற உத்தேசப் பட்டியல் வெளியாகியுள்ளது. பிரித்தானியாவின் புதிய உள்விவகார செயலராக Suella Braverman தெரிவாகலாம் என கூறப்படுகிறது.
மேலும், தற்போதைய துணை பிரதமர் டொமினிக் ராப் தமது பதவியை இழக்க வாய்ப்பிருப்பதாக கூறுகின்றனர். பாதுகாப்பு செயலர் பென் வாலஸ், வேல்ஸ் செயலாளர் ராபர்ட் பக்லாண்ட் மற்றும் கலாச்சார செயலாளர் நாடின் டோரிஸ் ஆகியோர் தங்கள் பதவிகளில் தொடர வாய்ப்புள்ளதாக கூறுகின்றனர்.
மிக முக்கியத்துவம் வாய்ந்த சேன்ஸலர் பொறுப்புக்கு Kwasi Kwarteng வரலாம் எனவும், வெளிவிவகார அமைச்சராக James Cleverly நியமிக்கப்பட வாய்ப்பிருப்பதாகவும் தெரிய வந்துள்ளது.
@reuters
கல்வித்துறை அமைச்சராக Kemi Badenoch, சுகாதார அமைச்சராக Therese Coffey, தொழில்துறை அமைச்சராக Jacob Rees-Mogg நியமிக்கப்பட வாய்ப்பிருப்பதாகவும் கூறப்படுகிறது.
மேலும், முக்கிய பொறுப்புகளில் Simon Clarke, Penny Mordaunt மற்றும் Iain Duncan Smith ஆகியோர் உட்படுத்தப்படலாம் எனவும் தெரியவந்துள்ளது. இருப்பினும் கன்சர்வேடிவ் கட்சியின் புதிய அமைச்சரவையில் ரிஷி சுனக் இடம்பெற வாய்ப்பில்லை என்றே கூறப்படுகிறது.
தற்போதைய சேன்ஸலர் Nadhim Zahawi வேறு பொறுப்புகளுக்கு மாற்றப்படலாம். மேலும் தலைமைக் கொறடா பொறுப்புக்கு Wendy Morton வர வாய்ப்பிருப்பதாக கூறுகின்றனர்.
@getty