ரஷ்யாவை தோற்கடிக்கும் வரை உக்ரைனுக்கு உதவுவோம் என உறுதியளிக்கிறேன்! பிரித்தானிய பிரதமர் லிஸ் ட்ரஸ்
பிரித்தானியா, அமெரிக்கா உள்ளிட்ட நாடுகள் உக்ரைனுக்குத் தேவையான அனைத்து ராணுவ உதவிகளையும் செய்து வருகின்றன
ரஷ்யா மீது பொருளாதார ரீதியாக உலக நாடுகள் வரலாறு காணாத தடைகளை விதித்துள்ளன
ரஷ்யாவை தோற்கடிக்கும் வரை உக்ரைனுக்கு ராணுவ உதவியை தொடர்ந்து பிரித்தானியா வழங்கும் என பிரதமர் லிஸ் ட்ரஸ் தெரிவித்துள்ளார்.
சமீபத்தில் ரஷ்ய ஜனாதிபதி புடின் செய்தியாளர்களை சந்தித்தபோது, உக்ரைனில் மாஸ்கோவின் ராணுவ நடவடிக்கைகளை மாற்றுவதற்கான நோக்கங்கள் எதுவும் இல்லை என்று தெரிவித்தார்.
மேலும் அவர், டான்பாசில் தங்கள் தாக்குதல் நடவடிக்கைகள் நிறுத்தப்படாது எனவும், அவை மெதுவான வேகத்தில் செல்வதாகவும், புதிய பிரதேசங்களை ரஷ்ய ராணுவம் ஆக்கிரமித்து வருவதாகவும் குறிப்பிட்டார்.
AP Photo
இந்த நிலையில் ஐ.நா. பொதுச்சபை கூட்டத்தில் பேசிய பிரித்தானிய பிரதமர் லிஸ் ட்ரஸ், உக்ரைன் தொடர்ந்து ஆதரவு தருவோம் என தெரிவித்தார். மேலும் அவர் கூறுகையில், 'இந்த மோதலின் முக்கியமான தருணத்தில், உக்ரைனுக்கு எங்கள் ராணுவ ஆதரவைத் தக்க வைத்துக்கொள்வோம் அல்லது அதிகரிப்போம் என்று நான் உறுதியளிக்கிறேன்' என தெரிவித்துள்ளார்.
David Dee Delgado | Reuters