லங்காசிறி FM
லண்டனில் பயங்கரம் : Hainault-லில் நடந்த தாக்குதல்: 14 வயது சிறுவனுக்கு ஏற்பட்ட துயரம்
பிரித்தானியாவின் ஹெயினால்ட் பகுதியில் நடந்த வாள் தாக்குதலில் சிறுவன் ஒருவன் உயிரிழந்தார், பொதுமக்கள் மீது தாக்குதல் நடத்திய சந்தேக நபர் கைது செய்யப்பட்டுள்ளார்.
பிரித்தானியாவில் அதிர்ச்சி
வடகிழக்கு லண்டனின் ஹெயினால்ட்(Hainault) பகுதியில் இன்று காலை அதிர்ச்சியூட்டும் தாக்குதல் அரங்கேறியுள்ளது. இதில் 14 வயது சிறுவன் உயிரிழந்துள்ளார், நால்வர் காயமடைந்துள்ளனர்.
ஹெயினால்ட் டியூப் நிலையம் (Tube station) அருகே வாள் ஏந்திய 36 வயது நபர் பொதுமக்களை தாக்கியதாக காவல்துறைக்கு காலை 7 மணி அளவில் தகவல் கிடைத்தது.
அந்த நபர் அருகில் உள்ள தர்லோ கார்டன்ஸ் பகுதியில் ஒரு வீட்டின் மீது வாகனத்தை மோதிவிட்டு தாக்குதலைத் தொடர்ந்ததாக தகவல்கள் தெரிவிக்கின்றன.
உயிரிழப்பு மற்றும் காயங்கள்
இந்த தாக்குதலில் பரிதாபமாக 14 வயது சிறுவன் உயிரிழந்துள்ளார். லண்டன் ஆம்புலன்ஸ் சேவை ஐந்து பேரை சம்பவ இடத்திலேயே சிகிச்சையளித்து மருத்துவமனைக்கு கொண்டு சென்றது.
இதில் அந்த சிறுவனும் அடங்குவார். சம்பவ இடத்திற்கு விரைந்த இரு காவல்துறை அதிகாரிகளும் தாக்குதலின் போது காயமடைந்துள்ளனர்.
விரைவான கைது
காவல்துறையினர் அந்த சந்தேக நபரை தாக்குதல் தொடர்பான ஆரம்ப தகவல் கிடைத்து 22 நிமிடங்களில் கைது செய்துள்ளனர்.
பொதுமக்களுக்கு இனி எந்தவித அச்சுறுத்தலும் இல்லை என்றும், வேறு எந்த சந்தேக நபர்களையும் தேடவில்லை என்றும் அதிகாரிகள் தெரிவித்துள்ளனர். மேலும், இந்த தாக்குதல் தீவிரவாதத்துடன் தொடர்புடையது இல்லை எனவும் உறுதிப்படுத்தியுள்ளனர்.
தாக்குதலுக்கான காரணத்தை கண்டறியும் பணிகள் ஆரம்ப கட்டத்தில் உள்ளன. தற்போது கவனம் பாதிக்கப்பட்டவர்களின் குடும்பத்தினருக்கும், இந்த அர்த்தமற்ற துயரத்தை சமாளிக்க வேண்டியிருக்கும் பரந்த சமூகத்திற்கும் ஆதரவு அளிப்பதிலேயே இருக்கிறது.
சம்பவ இடத்திற்கு விரைந்து சென்ற காவல்துறை அதிகாரிகளின் துணிச்சலையும், காயமடைந்தவர்களுக்கு சிகிச்சை அளித்த அவசரகால பணியாளர்களையும் காவல்துறை பாராட்டியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
